قوستاناي وبلىسىندا «براكونەر» وپەراتسيياسى جٷرگٸزٸلٸپ, زاڭ بۇزعاندار انىقتالدى, دەپ حابارلايدى "ۇلت اقپارات".
ٸس-شارا بارىسىندا پوليتسييا قىزمەتكەرلەرٸ مەن تابيعاتتى قورعاۋ ۇيىمدارىنان 59 موبيلدٸك توپ قۇرىلدى. قىزمەتكەرلەر اڭشىلىق جەرلەرٸندە, سۋ ايدىندارىندا جەنە ورمان القاپتارىندا تابيعات قورعاۋ زاڭناماسىن بۇزۋدىڭ جولىن كەسۋ جەنە انىقتاۋ بويىنشا 1590-نان استام رەيدتٸك ٸس-شارا ٶتكٸزدٸ.
«پوليتسييا قىزمەتكەرلەرٸ زاڭسىز اڭ اۋلاۋ جەنە اعاش كەسۋ دەرەكتەرٸنە قاتىستى 4 قىلمىستىق قۇقىق بۇزۋشىلىقتى انىقتادى. قوستاناي اۋدانىنىڭ ليماننىي اۋىلىنىڭ ماڭىندا پوليتسييا قىزمەتكەرلەرٸ «ۆاز 2121» اۆتوكٶلٸگٸن توقتاتقان. اۆتوموبيل جٷك سالعىشىن تەكسەرۋ كەزٸندە ەكٸ سٸبٸر ەلٸگٸ جەنە تٸركەۋگە الىنعان ٷش مىلتىق تابىلدى. بەلگٸلٸ بولعانداي, جولاۋشىلاردىڭ بٸرەۋٸ ەكٸ ەلٸك اتىپ العان», - دەلٸنگەن وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىندا.
زاڭسىز اڭ اۋلاۋدىڭ تاعى بٸر دەرەگٸ قامىستى اۋدانىندا تٸركەلگەن. تالدىكٶل اۋىلىنان 10 شاقىرىم جەردە رۋدنىي قالاسىنىڭ ەكٸ تۇرعىنى ۇستالدى. اڭ اۋلايتىن شارۋاشىلىقتا جٷرگەن اڭشىلار 7 قاز اتقان, ولاردىڭ بٸرٸ – قىزىل كٸتاپقا ەنگٸزٸلگەن «شيقىلداق قاز» تۇقىمى.
جالپى, اڭ اۋلاۋ ەرەجەلەرٸن بۇزعانى ٷشٸن 72 ادام ەكٸمشٸلٸك جاۋاپكەرشٸلٸككە تارتىلدى. بالىق اۋلاۋ ەرەجەلەرٸن بۇزعانى ٷشٸن 23 بالىقشى, سونداي-اق 26 اڭشى قارۋدى ساقتاۋ, الىپ جٷرۋ جەنە تاسىمالداۋ ەرەجەلەرٸن بۇزعانى ٷشٸن ايىپپۇل ارقالادى. ايتا كەتەرلٸك جايت, جەدەل الدىن الۋ ٸس-شاراسى كەزٸندە 700 مىڭ تەڭگەدەن استام ەكٸمشٸلٸك ايىپپۇل ٶندٸرٸلدٸ.
