قوستاناي وبلىسىندا الداعى دەمالىس كٷندەرٸ قوعامدىق كٶلٸكتەر جٷرمەيدٸ. بۇل تۋرالى وبلىس ەكٸمٸ ارحيمەد مۇحامبەتوۆ ەلەۋمەتتٸك جەلٸدە جازدى, دەپ حابارلايدى "ۇلت اقپارات".
ارحيمەد مۇحامبەتوۆ بٷگٸن كوروناۆيرۋستىق ينفەكتسييانىڭ تارالۋىنا جول بەرمەۋ بويىنشا جەدەل شتابتىڭ كەزەكتٸ وتىرىسىن ٶتكٸزدٸ. جيىندا مونيتورينگتٸك توپتاردىڭ جۇمىسى قاراستىرىلدى. قازٸر ٶڭٸردە ۆەدومستۆوارالىق كوميسسييانىڭ تاپسىرماسىنا سەيكەس مونيتورينگتٸك توپتاردىڭ جۇمىسى كٷشەيتٸلگەن.
«قازٸرگٸ ۋاقىتتا 860 رەيد جٷرگٸزٸلٸپ, 4757 نىسان تەكسەرٸلدٸ, ونىڭ بارىسىندا 825 زاڭبۇزۋشىلىق انىقتالىپ, ماتەريالدار ەكٸمشٸلٸك شارالار قابىلداۋ ٷشٸن سانەپيدباقىلاۋ ورگاندارىنا جولداندى.
ەنگٸزٸلگەن شەكتەۋلەرگە قاراماستان, وبلىس تۇرعىندارى ەلٸ دە جاپپاي وتباسىلىق ٸس-شارالار ٶتكٸزۋدە, ال بيزنەس ٶكٸلدەرٸ سانيتارلىق نورمالاردى بۇزىپ كەلەدٸ. سوندىقتان كارانتين تالاپتارىن بۇزعانداردى مٸندەتتٸ تٷردە بەينەجازباعا تٷسٸرٸپ, مونيتورينگتٸك توپتاردىڭ جۇمىسىن كٷشەيتۋدٸ تاپسىردىم.ازاماتتاردى كۆي تارالۋىنا جول بەرمەۋ بويىنشا بارلىق ۇسىنىلعان شارالاردى ساقتاۋعا شاقىرامىن», دەپ جازدى ارحيمەد مۇحامبەتوۆ Instagram پاراقشاسىندا.
سونداي-اق, الداعى دەمالىس كٷندەرٸ وبلىستا قوسىمشا شەكتەۋلەر قابىلدانادى. اتاپ ايتقاندا, قوعامدىق كٶلٸك جۇمىس ٸستەمەيدٸ جەنە اۋدانى 2000 شارشى مەتردەن اساتىن ازىق-تٷلٸك ەمەس ساۋدا وبەكتٸلەرٸنٸڭ جۇمىسىنا ۋاقىتشا تىيىم سالىندى. بۇعان دەيٸن جۇمىس ٸستەپ كەلگەن اۆتوموبيلدەر مەن اۋىل شارۋاشىلىعى تەحنيكالارىنىڭ قوسالقى بٶلشەكتەرٸن ساتاتىن دٷكەندەر دە جۇمىسىن توقتاتادى. سونداي-اق مونشالار مەن ساۋنالاردىڭ جۇمىسى شەكتەلٸپ, قوعامدىق تاماقتانۋ وبەكتٸلەرٸ تەك الىپ كەتۋ جەنە جەتكٸزۋ ٷشٸن جۇمىس ٸستەيدٸ.
