قوستانايدا كارتوپ - 157, ال سەبٸز 135 تەڭگەدەن ساتىلىپ جاتىر, دەپ حابارلايدى "ۇلت اقپارات" «حابار 24» ارناسىنا سٸلتەمە جاساپ.
الايدا, ارزان كٶكٶنٸس بٸر ادامعا ەكٸ كەلٸدەن ارتىق بەرٸلمەيدٸ. ەلەۋمەتتٸك دٷكەندەر جەلٸسٸ وسىنداي شەكتەۋ قويىپ وتىر. وسىلايشا, جەرگٸلٸكتٸ بيلٸك باعانى نەگٸزسٸز ٶسٸرەتٸن الىپ-ساتارلاردىڭ جولىن كەسۋگە ىنتالى.
ەلەۋمەتتٸك ساۋدا ورىندارىندا سەبٸز بازارداعى باعادان تٶرت ەسەگە, ال كارتوپ ەكٸ ەسەگە ارزان. مۇنداي باعانى قالالىق ەكٸمدٸك بەكٸتكەن. بٸراق الىپ-ساتارلاردىڭ كٸنەسٸنەن ارزان كٶكٶنٸس تەز تاۋسىلىپ, سٶرەلەر جيٸ بوس قالادى.
«كارتوپ پەن سەبٸزدٸ وسى جەردەن ساتىپ الىپ, سىرتتا 3 ەسە قىمبات باعاعا ساتىپ جٷرگەندەر بار. مۇنداي الىپ-ساتارلاردىڭ جولىن كەسۋ مٷمكٸن ەمەس. تەك ساۋدا ورىندارىنا ەلەۋمەتتٸك ماڭىزى بار تاۋارلاردى ساتۋعا شەكتەۋ قويۋ تۋرالى ۇسىنىس جاسادىق. سوندا ازىق-تٷلٸكتەن تاپشىلىق تۋىنداماي, بەرٸنە دە از-ازداپ بولسا دا جەتەتٸن شىعار دەپ ويلايمىز», - دەدٸ قالالىق كەسٸپكەرلٸك بٶلٸمٸنٸڭ باسشىسى يلونا تيموشەنكو.
كارتوپ پەن سەبٸزدٸ ارزانداتۋ ٷشٸن ساۋدا ورىندارى مەن «توبىل» ەلەۋمەتتٸك-كەسٸپكەرلٸك كورپوراتسيياسى اراسىندا كەلٸسٸمشارت جاسالعان. وسىنىڭ نەتيجەسٸندە دٷكەندەر جەڭٸلدەتٸلگەن نەسيەگە قول جەتكٸزٸپ وتىر. ەندٸ بيلٸك ٷش ايعا بەكٸتكەن باعانى ۇستاپ تۇرۋى شارت.
«بٸز ەلەۋمەتتٸك ماڭىزى ازىق-تٷلٸك تاۋارىنىڭ 16 تٷرٸن قامتاماسىز ەتەمٸز. بٸرەۋٸنەن ازداپ پايدا تاپساق, ەندٸ بٸرٸنەن شىعىنعا باتۋعا مەجبٷرمٸز. ٶتكەن ايدا شىعىنىمىز 8 ملن تەڭگەگە جەتتٸ. امال جوق. بٸزگە قويىلعان شارت وسىنداي. سەبٸزدٸ 550 تەڭگەدەن الىپ, 157 تەڭگەدەن ساتىپ جاتىرمىز. كەيبٸرەۋلەر اربانى تولتىرىپ تيەپ الىپ كەتەدٸ. سوندىقتان بٸر ادامعا ەكٸ كەلٸدەن ارتىق ساتپايتىن بولدىق», - دەدٸ ساۋدا جەلٸسٸنٸڭ ەكٸمشٸسٸ بوتاگٶز كٶشەمباەۆا.
قازٸر وبلىستىڭ تۇراقتاندىرۋ قورىندا 300 ميلليون تەڭگەگە باعالانعان ازىق-تٷلٸكتٸڭ 12 تٷرٸ بار. ٶز كەزەگٸندە كٶكٶنٸس باعاسى جاقىن كٷندەرٸ تۇراقتالادى دەپ وتىر بيلٸك. بۇعان قوسا, ايماققا ەلٸمٸزدٸڭ وڭتٷستٸك ٶڭٸرٸنەن كٷندەلٸكتٸ 200 توننا كٶكٶنٸس جەتكٸزٸلەدٸ.
