قوستاناي وبلىسىندا ەگٸن جيناۋ ناۋقانى ەرتە باستالىپ كەتتٸ. بۇل تۋرالى ارحيمەد مۇحامبەتوۆتٸڭ تٶراعالىعىمەن ٶتكەن سەلەكتورلىق اگروكەڭەستە ايتىلدى, دەپ حابارلايدى قازاقپارات.
بيىلعى جازدىڭ ىستىعى, جاۋىن-شاشىننىڭ جوقتىعى ايماقتاعى دەندٸ داقىلدىڭ ٶسۋٸنە ايتارلىقتاي تەجەۋ بولىپ وتىر. قۋاڭشىلىققا بايلانىستى ٶڭٸرٸمٸزدە ەگٸن جيناۋ ناۋقانى ەدەتتەگٸدەن ەرتە باستالىپ كەتتٸ. كەيبٸر اۋدانداردا استىق ورۋ قارقىندى جٷرٸپ جاتىر. ەسٸرەسە, وبلىستىڭ وڭتٷستٸك بٶلٸگٸندە ەگٸن شىعىمى تٶمەن. بۇل شارۋالاردىڭ جاعدايىن الاڭداتۋدا.
«مەن دەمالىس كٷندەرٸ اۋداندارعا شىعىپ, ديقاندارمەن جٷزدەستٸم. شارۋالار 2012 جىلدان بەرٸ ەكٸ-ٷش تسەنتنەر بيداي جيناپ كەلە جاتقانىن اشىق ايتىپ وتىر. قاتارىنان جەتٸ-سەگٸز جىل بويى ەگٸن شىعىمىنىڭ دۇرىس بولماۋى بەرٸمٸزدٸ الاڭداتادى. جانار-جاعارماي, تۇقىم, تەحنيكا, جۇمىسكەرلەردٸڭ جالاقىسىنا شىعىندالعان اگروٶنەركەسٸپ تاۋارىن ٶندٸرۋشٸلەر ٷشٸن بۇل ٷلكەن سالماق بولاتىنى انىق. نەگٸزٸ, استىقتان پايدا كٶرمەيتٸندەر بولسا, مال سالاسىنا بەت بۇرعاندارى دۇرىس», - دەدٸ ارحيمەد مۇحامبەتوۆ.
سونىمەن قااتار ول كٷزگٸ ەگٸس ناۋقانىن ويداعىداي ٶتكٸزۋ, تىعىرىقتان شىعۋدىڭ تەتٸكتەرٸن قاراستىرۋدى تاپسىردى. قازٸر وڭتٷستٸك-باتىس اۋدانداردا جەم-شٶپ ەزٸرلەۋ كٶرسەتكٸشٸ 24-50 پايىزعا عانا ورىندالعان.
جيىندا ونلاين بايلانىسقا شىققان قازاقستاننىڭ ەڭبەك ەرٸ بوريس كنيازەۆ ٶز تەجٸريبەسٸمەن بٶلٸستٸ. ايتۋىنشا, بيىلعى قۇرعاقشىلىقتى سوناۋ 1975 جىلعىمەن سالىستىرۋعا بولادى.
«1984 جىلى دا قاتتى قۋاڭشىلىق بولدى. بٸراق ول جىلى تامىز ايىندا جاۋىن-شاشىن تٷستٸ دە, شٶپتٸڭ ٶسۋٸنە سەپ بولىپ ەدٸ. مۇنداي كەزدەردە مال جەي بەرمەيتٸن شٶپتەر مەن قامىسقا جەم ارالاستىرىپ مالعا بەرەمٸز. وسى جولى بٸزدٸڭ سەرٸكتەستٸك كٶرشٸ جٸتٸقارا اۋدانىنان شٶپ شاۋىپ جاتىر. نەگٸزٸ, ٶزەن-كٶلدەردٸڭ جيەگٸن, تەحنيكا جەتكەن جەردەگٸ قامىستاردى, وي جەرلەردەگٸ ىلعالدا جاتقان شٶپتەردٸ قالدىرماي شاۋىپ العان جٶن. الدىن الا سابان, سٷرلەم دايىنداۋ قاجەت», - دەپ كەڭەس بەردٸ ول.
ارحيمەد مۇحامبەتوۆ كٷزگٸ جيىن-تەرٸمدٸ بارىنشا ويداعىداي ورىنداپ, استىق ورۋ كەزٸندە ۇرلىق-قارلىققا ۇرىنباي, قاتاڭ كٷزەت بولۋىن ايتتى. سونداي-اق قولداعى قور قارجىسىن مٷمكٸندٸگٸنشە ٷنەمدەپ جۇمساۋىنا كەڭەس بەردٸ. مەسەلەن, ارقالىق قالاسىنىڭ ەكٸمٸ ەلدار كٷزەنباەۆ جەرگٸلٸكتٸ شارۋاشىلىقتار تاراپىنان 5 تراكتور, 7 كومباين ساتىپ الۋعا قۇجاتتار ەزٸرلەنٸپ جاتقانىن ايتقان بولاتىن.
«تەك ارقالىقتىقتارعا عانا ەمەس, بارشا ديقاندارعا ٶتە قاجەتتٸلٸك بولماسا, تەحنيكا ساتىپ الۋعا اسىقپاڭىزدار. الدىمەن جيناعان دەنٸن بارىنشا جوعارى باعاعا ساتىپ, كەلەر كٶكتەمگە تۇقىم قۇيىپ الۋ, 2020 جىلدىڭ قازان ايىنا دەيٸن جۇمىسشىلاردىڭ جالاقىسىن تٶلەي الاتىنداي قاۋقارى بولۋ, قىستا جول تازارتۋ, باسقا دا ٶزەكتٸ مەسەلەگە دەن قويۋىنا كەڭەس بەرەمٸن. سونداي-اق, حالىقتىڭ مال باسىن ساقتاپ قالۋىن ايرىقشا نازارعا الىڭىزدار», - دەدٸ ارحيمەد مۇحامبەتوۆ.
