قوستاناي وبلىسىنىڭ قارابالىق اۋدانىندا ورماندا اعاشتار مەن شٶپتەر جاندى, دەپ حابارلايدى "ۇلت اقپارات".
«قوستاناي وبلىسى قارابالىق اۋدانى, پەسچانوە اۋىلىنىڭ ماڭىنداعى بايقادام ورمان شارۋاشىلىعى اۋماعىندا 0,4 گا قۇرعاق شٶپ تۇتاندى. وت ورمانعا قاراي ٶتٸپ, 0,6 گا اۋماقتى شارپىدى», - دەپ حابارلادى قوستاناي وبلىسى تٶتەنشە جاعدايلار دەپارتامەنتٸنەن.
11 مامىر كٷنٸ كەشكە باستالعان ٶرتپەن كٷرەس بٷگٸن تاڭعا دەيٸن سوزىلدى. ٶرت اۋىزدىقتالىپ, كٷزەتۋ مەن باقىلاۋ ماقساتىندا تەحنيكا قويىلدى.
«ٶرتتٸڭ تۇتانۋ سەبەبٸ – بۇزىلعان كاماز اۆتوكٶلٸگٸ. جەرگٸلٸكتٸ شارۋا قوجالىعىنىڭ جۇمىسشىسى ەگٸس القابىن ٶڭدەپ جٷرگەن. ماشينا جاسىل جەلەك ماڭايىندا سىنىپ قالعان. كٶلٸكتٸ جٶندەۋ بارىسىندا وتتىڭ ۇشقىنى قۇرعاق شٶپكە تٷسكەن», - دەدٸ تجد-دان.
كٶلٸك جٷرگٸزۋشٸسٸنە قاتىستى «ٶرتتٸڭ تۇتانۋىنا الىپ كەلگەن ورماندا ٶرت قاۋٸپسٸزدٸگٸ ەرەجەلەرٸن جەنە سانيتارلىق نورمالاردى بۇزۋ» بابى بويىنشا ەكٸمشٸلٸك حاتتاما تولتىرىلدى.
