Qostanai oblysynyń Qarabalyq aýdanynda ormanda aǵashtar men shópter jandy, dep habarlaidy "Ult aqparat".
«Qostanai oblysy Qarabalyq aýdany, Peschanoe aýylynyń mańyndaǵy Baiqadam orman sharýashylyǵy aýmaǵynda 0,4 ga qurǵaq shóp tutandy. Ot ormanǵa qarai ótip, 0,6 ga aýmaqty sharpydy», - dep habarlady Qostanai oblysy Tótenshe jaǵdailar departamentinen.
11 mamyr kúni keshke bastalǵan órtpen kúres búgin tańǵa deiin sozyldy. Órt aýyzdyqtalyp, kúzetý men baqylaý maqsatynda tehnika qoiyldy.
«Órttiń tutaný sebebi – buzylǵan KamAZ avtokóligi. Jergilikti sharýa qojalyǵynyń jumysshysy egis alqabyn óńdep júrgen. Mashina jasyl jelek mańaiynda synyp qalǵan. Kólikti jóndeý barysynda ottyń ushqyny qurǵaq shópke túsken», - dedi TJD-dan.
Kólik júrgizýshisine qatysty «Órttiń tutanýyna alyp kelgen ormanda órt qaýipsizdigi erejelerin jáne sanitarlyq normalardy buzý» baby boiynsha ákimshilik hattama toltyryldy.
