قوستاناي ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق بٶلٸمٸ كاربىشەۆ كٶشەسٸندەگٸ جاياۋ جٷرگٸنشٸلەرگە ارنالعان جولدى جٶندەۋ جۇمىستارى جٷرگٸزٸلٸپ جاتقان ۆيدەوعا قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
قالا تۇرعىندارى جول جٶندەۋ جۇمىستارى كٷن سۋىعاندا جٷرگٸزٸلگەنٸنە ەنە جاۋاپتى تۇلعالار جۇمىس ساپاسىن قاداعالاماعانىنا نارازى بولدى.
"باستىسى – اقشانى يگەرۋ. جاپ-جاقسى تروتۋار ەدٸ", - دەپ شامداندى قوستانايلىقتار.
وسىعان بايلانىستى تۇرعىن ٷي-كوممۋنالدىق شارۋاشىلىق بٶلٸمٸ تەحنولوگييانى بۇزا وتىرىپ ورىندالعان جۇمىستى مەردٸگەردەن قابىلدامايمىز دەپ ۋەدە بەردٸ.
"قوستاناي قالاسى ەكٸمدٸگٸنٸڭ تۇرعىن ٷي-كوممۋنالدىق شارۋاشىلىق بٶلٸمٸ مەن "جاڭا ٶمٸر 2012" جشس اراسىندا 292 ميلليون تەڭگەگە جاياۋ جٷرگٸنشٸلەر جولىن جٶندەۋ بويىنشا كەلٸسٸمشارت جاسالدى. كەلٸسٸمشارتقا سەيكەس مەردٸگەر 2022 جىلدىڭ 31 قازانىنا دەيٸن اۋدانى 33 500 شارشى مەتردٸ قۇرايتىن جاياۋ جٷرگٸنشٸلەر جولىنا تاس تٶسەۋ جۇمىستارىن ورىنداۋى كەرەك بولاتىن", - دەدٸ ەكٸمدٸكتەگٸلەر.
بٸراق, بٷگٸنگٸ كٷنٸ مەردٸگەر اتقارعان جەنە تۇرعىن ٷي-كوممۋنالدىق شارۋاشىلىعى بٶلٸمٸمەن قابىلدانعان جۇمىس كٶلەمٸ جالپى كٶلەمنٸڭ 70%-ٸن قۇراپ وتىر. اتقارىلعان جۇمىستار ٷشٸن جشس-عا 144,7 ميلليون تەڭگە اۋدارىلدى.
"كەلٸسٸمشارتتا كٶزدەلگەن جۇمىستار مەرزٸمگە ساي ورىندالمادى. قۇرىلىس-مونتاجداۋ جۇمىستارى قولايسىز اۋا رايى جاعدايىندا تەحنولوگييانى بۇزىپ جاسالدى. ايازدى تەمپەراتۋرادا ىلعالدى قۇمدى پايدالانۋ ارقىلى جٷرگٸزٸلٸپ جاتقانىن ەسكەرە وتىرىپ, تالاپقا ساي ەمەس ورىندالعان جۇمىستار قابىلدانبايدى", - دەپ سەندٸردٸ ەكٸمدٸكتەگٸلەر.
سونداي-اق, تۇرعىن ٷي-كوممۋنالدىق شارۋاشىلىق بٶلٸمٸندە قۇرىلىس-مونتاجداۋ جۇمىستارىن ساپاسىز جٷرگٸزگەنٸ, جۇمىستاردىڭ بەكٸتٸلگەن جۇمىس كەستەسٸنەن كەشٸكتٸرٸلگەن ٷشٸن مەردٸگەرگە بٸرنەشە رەت شاعىم جولدانعانىن حابارلادى.
قازٸر "جاڭا ٶمٸر 2012" جشس-نى جوسىقسىز جابدىقتاۋشىلار تٸزٸمٸنە ەنگٸزۋ تۋرالى سوتقا تالاپارىز دايىندالىپ جاتىر.
