قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر قوسشىداعى اۋىز مەسەلەسٸنٸڭ شەشٸلگەنٸن مەلٸمدەدٸ. بۇرىنعى ۇڭعىمالاردى ەلٸ ٸسكە قوسقان جوق. سونىڭ ورنىنا بٸرنەشە ۇڭعىمانى قازىپ الۋعا تۋرا كەلدٸ, دەپ xابارلايدى قازاقپارات تٸلشٸسٸ.
كوميتەت باسشىسىنىڭ ايتۋىنشا, جاڭادان تٶرت ۇڭعىما قازىلدى. قازٸرگٸ كەزدە ٷشەۋٸ ٸسكە قوسىلدى. ال سۋ باسپاعان التى ۇڭعىمامەن بٸرگە قوسقاندا بارلىعى توعىز ۇڭعىما ٸستەپ تۇر.
«سونىڭ ارقاسىندا كٶپقاباتتى ٷيلەرگە اۋىز سۋ تولىعىمەن بەرٸلدٸ. بۇدان بٶلەك, 772 جەكە ٷيدە سۋ بار. ەندٸ, تاعى 670 جەكە ٷي قالىپ وتىر. ماعان تٷسكەن اقپاراتقا سەيكەس, جاڭادان قازىلعان تٶرت ۇڭعىمانىڭ بٸرەۋٸ بٷگٸن ٸسكە قوسىلادى. سونىڭ ارقاسىندا قالعان جەكە ٷيلەرگە اۋىز سۋ بەرٸلەدٸ», - دەدٸ ۆ.بەككەر ەلوردادا ٶتكەن باسپاسٶز مەسليxاتىندا.
ايتا كەتەيٸك, ٶتكەن اپتادا قر پرەزيدەنتٸ قاسىم-جومارت توقاەۆ ەلورداعا جاقىن قوسشى اۋىلىنىڭ اۋىز سۋ مەسەلەسٸن شۇعىل شەشۋدٸ تاپسىرعان ەدٸ.
بۇعان دەيٸن تجك باسشىسى ۆلاديمير بەككەر ول جەردەگٸ جاعدايدىڭ مەن-جايىن تٷسٸندٸرگەن بولاتىن. ونىڭ سٶزٸنە قاراعاندا, سۋ باسقان ۇڭعىمالاردى ٸسكە قوسۋ مٷمكٸن ەمەس. سۋدىڭ كەتكەنٸن كٷتۋ كەرەك. جەرگٸلٸكتٸ ەكٸمدٸك سٷڭگۋٸر مامانداردى دا شاقىردى. بٸراق كوميتەت ولاردى جٸبەرمەۋگە شەشٸم قابىلدادى. سەبەبٸ ادام ٶمٸرٸنە قاۋٸپ بار. بٸراق كوميتەت باسشىسى قوسشىنىڭ اۋىز سۋ مەسەلەسٸ ٷش-تٶرت كٷندە شەشٸلەدٸ دەپ ايتقان.
سونداي-اق, بٷگٸنگٸ قر ٸٸم تٶتەنشە جاعدايلار كوميتەتٸنٸڭ تٶراعاسى تاسقىن سۋ قورشاۋىندا قالعان اۋىلدىڭ جاعدايى تۋرالى ايتىپ بەردٸ.
«كەشە, 14 سەۋٸر كٷنٸ تاس جولدان ەسكٸ كولۋتون اۋىلىنا باراتىن جول ۋچاسكەسٸ جٶندەلدٸ. بٷگٸندە اۆتوكٶلٸك قوزعالىسى اشىلدى. ال كولۋتون ٶزەنٸنٸڭ دەڭگەيٸ تٶمەندەپ كەلەدٸ», - دەدٸ ۆ.بەككەر.
