قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆتىڭ تٶراعالىعىمەن شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييانىڭ كەزەكتٸ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
كوميسسييا شەشٸمٸمەن «بولاشاق» حالىقارالىق ستيپەنديياسى ماگيستراتۋرا, دوكتورانتۋرا, رەزيندەنتۋرا بويىنشا وقۋدان ٶتەتٸن, سونداي-اق ەلەمنٸڭ جەتەكشٸ عىلىمي جەنە ٶندٸرٸستٸك ورتالىقتارىنا تاعىلىمدامادان ٶتۋگە جٸبەرٸلەتٸن 196 ٷمٸتكەرگە بەرٸلدٸ.
وتىرىستا بٸلٸم جەنە عىلىم مينيسترٸ اسحات ايماعامبەتوۆتٸڭ شەتەلدە كادرلار دايارلاۋ جٶنٸندەگٸ رەسپۋبليكالىق كوميسسييا حاتتامالىق تاپسىرمالارىنىڭ ورىندالۋى تۋرالى ەسەبٸ تىڭدالدى, سونداي-اق «بولاشاق» حالىقارالىق ستيپەنديياسىن ٸسكە اسىرۋعا قاتىستى بٸرقاتار مەسەلەلەر قارالدى.
2021 جىلى «بولاشاق» باعدارلاماسى بويىنشا وقۋعا 1055 ستيپەندييا بٶلٸندٸ. ونىڭ ٸشٸندە 555 ستيپەندييا ماگيستراتۋرا, رەزيدەنتۋرا, دوكتورانتۋرا, تاعىلىمداما باعدارلامالارى بويىنشا بٶلٸنگەن. تاعى 500 ستيپەندييا «عالىمدار» تاعىلىمداماسىنىڭ جاڭا ساناتى بويىنشا بەرٸلدٸ. بۇل سانات پرەزيدەنت قاسىم-جومارت توقاەۆتىڭ تاپسىرماسىنا سەيكەس, ەلەمنٸڭ جەتەكشٸ عىلىمي ورتالىقتارىندا جىل سايىن 500 عالىمنىڭ تاعىلىمدامادان ٶتۋٸن قامتاماسىز ەتۋ ماقساتىندا بەكٸتٸلگەن.
«بولاشاق» حالىقارالىق ستيپەنديياسىن تاعايىنداۋ كونكۋرسىنا قاتىسۋ ٷشٸن قۇجاتتاردى قابىلداۋ وسى جىلعى 4 مامىردان 28 قازانعا دەيٸن جالعاسادى.
وتىرىس قورىتىندىسى بويىنشا قىرىمبەك كٶشەرباەۆ بٸرقاتار ناقتى تاپسىرمالار بەردٸ.
