26-27 قاڭتار كٷندەرٸ قىزىلوردا وبلىسىنىڭ ەكٸمٸ قىرىمبەك كٶشەرباەۆ باستاعان دەلەگاتسييا شەكارالاس ٶڭٸرلەرمەن ىنتىماقتاستىق بايلانىس مەسەلەلەرٸن تالقىلاۋ ماقساتىندا جۇمىس ساپارىمەن ٶزبەكستان رەسپۋبليكاسىندا بولدى.
جۇمىس ساپارى ٶزبەكستان رەسپۋبليكاسىنىڭ تۇڭعىش پرەزيدەنتٸ يسلام كاريموۆتىڭ سامارقاند قالاسىنداعى شاحي زيندا كەسەنەسٸندەگٸ بەيٸتٸنە گٷل شوقتارىن قويۋدان, سونداي-اق داڭقتى قولباسشى, جەرلەسٸمٸز - جالاڭتٶس باھادٷردٸڭ كەسەنەسٸنە تەۋ ەتۋدەن باستالدى. دەلەگاتتار بٸرقاتار كەسٸپورىنداردى ارالاپ, كەسٸپكەرلەرمەن جەنە جەرگٸلٸكتٸ كومپانييا باسشىلارىمەن كەلٸسسٶزدەر جٷرگٸزدٸ.
وسىدان سوڭ قىرىمبەك كٶشەرباەۆ سامارقاند وبلىسىنىڭ ەكٸمٸ حيممات وكبۋتاەۆپەن كەزدەستٸ. كەزدەسۋ بارىسىندا تاراپتار قىزىلوردا جەنە سامارقاند وبلىستارىنىڭ اراسىنداعى ٶندٸرٸستٸك جەنە ساۋدا-ەكونوميكالىق ىنتىماقتاستىقتىڭ پەرسپەكتيۆالارىن تالقىلادى.
ال, ناۋاي وبلىسىنا ساپار باعدارلاماسى نۇراتاداعى ەيتەكە بي مەموريالدىق كەشەنٸنە بارۋدان باستالدى. وندا قازاق مەدەني ورتالىعىنىڭ بەلسەندٸلەرٸمەن كەزدەسۋ ٶتتٸ.
جۇمىس ساپارى قىزىلوردالىق كەسٸپكەرلەر مەن ناۋاي وبلىسى ٸسكەر توپتارىنىڭ قاتىسۋىمەن ٶتكەن بيزنەس-فورۋممەن جالعاستى. ٶزبەكستان تاراپى قوناقتارعا 2008 جىلى قۇرىلعان «ناۋاي» ەركٸن يندۋستريالدى-ەكونوميكالىق ايماعىنىڭ مٷمكٸندٸكتەرٸن تانىستىردى. «ناۋاي» ەركٸن يندۋستريالدى-ەكونوميكالىق ايماعىندا سالىقتىق, ۆاليۋتالىق جەنە كەدەندٸك پرەفەرەنتسييالاردى قامتيتىن ەرەكشە قۇقىقتىق رەجيم جۇمىس ٸستەيدٸ. سونىمەن قاتار اۋماققا كٶلٸكپەن كەلٸپ كەتۋ, ٶزبەكستان رەسپۋبليكاسىنىڭ تۇرعىلىقتى ەمەس ازاماتتارى ٷشٸن ەڭبەك ەتۋگە رۇقسات بەرۋدٸڭ جەڭٸلدەتٸلگەن تەرتٸبٸ قاراستىرىلعان. بۇدان بٶلەك, «ناۋاي» ەركٸن يندۋستريالدى-ەكونوميكالىق ايماعىنداعى كەسٸپورىندار جوعارى دەڭگەيلٸ ينفراقۇرىلىممەن قامتاماسىز ەتٸلەدٸ.
قىرىمبەك كٶشەرباەۆ پەن ناۋاي وبلىسىنىڭ ەكٸمٸ كابۋل تۋرسۋنوۆ ٶنەركەسٸپ جەنە اۋىل شارۋاشىلىعى ٶنٸمدەرٸن قايتا ٶڭدەۋ سالالارىنداعى ەكٸجاقتى ىنتىماقتاستىقتىڭ پەرسپەكتيۆالارىن تالقىلادى.
27 قاڭتار كٷنٸ دەلەگاتتار تاشكەنت قالاسىنداعى تٶلە بي جەنە ەمٸر تەمٸر كەسەنەلەرٸنە گٷل شوقتارىن قويدى. قىرىمبەك كٶشەرباەۆ ٶزبەكستان رەسپۋبليكاسى وليي مەجٸلٸسٸ سەناتى تٶراعاسىنىڭ ورىنباسارى سوديك سافوەۆپەن, سونداي-اق تاشكەنت قالاسىنىڭ ەكٸمٸ راحمونبەك ۋسمانوۆپەن, ٶزبەكستان استاناسىنداعى بٸرقاتار ٶنەركەسٸپتٸك كەسٸپورىننىڭ باسشىلارىمەن كەزدەستٸ. بيزنەس ٶكٸلدەرٸمەن كەزدەسۋ بارىسىندا قىرىمبەك كٶشەرباەۆ بٷگٸندە مەملەكەتٸمٸز نۇرسۇلتان ەبٸشۇلى نازارباەۆتىڭ باستاماسىمەن شەتەلدٸك ينۆەستورلارعا جەڭٸلدٸكتەر پرەفەرەنتسييالارىن ۇسىنىپ وتىرعاندىعىن اتاپ ٶتتٸ.
- ولار – كەدەندٸك باج سالىعىنان بوساتۋ, مەملەكەتتٸك گرانتتار ۇسىنۋ, سالىق جەنە ينۆەستيتسييالىق سۋبسيدييا بويىنشا جەڭٸلدٸكتەر بەرۋ. ال جەرگٸلٸكتٸ بيلٸك ٶز كەزەگٸندە ٶندٸرٸس ورىندارىنا جەر تەلٸمدەرٸن بٶلۋ مەن قاجەتتٸ ينفراقۇرىلىم جٷرگٸزۋگە كەپٸلدٸك بەرەدٸ. ٶز كەزەگٸندە بٸز اگرٶنەركەسٸپ سەكتورى, ازىق-تٷلٸك, ەلەكتروتەحنيكا, قۇرىلىس جەنە اۆتوموبيل ٶنەركەسٸبٸ سالالارى بويىنشا ٶزبەكستان تەجٸريبەسٸنە سٷيەنگٸمٸز كەلەدٸ,- دەدٸ قىرىمبەك كٶشەرباەۆ.
ساپار قورىتىندىسى بويىنشا قول جەتكٸزٸلگەن كەلٸسسٶزدەردٸڭ جٷزەگە اسىرىلۋىن قامتاماسىز ەتەتٸن بٸرلەسكەن ايماقارالىق جۇمىس توپتارى قۇرىلدى.
"ۇلت اقپارات"
