الماتى قالاسىنداعى «دوستىق ٷيٸندە» «جاھانداعى زاماناۋي قازاقستاندىق مەدەنيەت» جوباسى اياسىندا بۇۇ-نىڭ 6 تٸلٸنە اۋدارىلعان قازاق ەدەبيەتٸ انتولوگييالارىنىڭ تانىستىرىلىمى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
بۇل جوبا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە.نازارباەۆتىڭ باستاماسىمەن جٷزەگە اسىرىلىپ جاتقان «رۋحاني جاڭعىرۋ» باعدارلاماسى باعىتتارىنىڭ بٸرٸ. ونىڭ نەگٸزگٸ ماقساتى – تەۋەلسٸزدٸك جىلدارىنداعى قازاق ەدەبيەتٸ مەن مەدەنيەتٸن, مۋزىكاسى مەن بەينەلەۋ ٶنەرٸن, حورەوگرافييا, كينو جەنە تەاتر سالاسىنداعى جەتٸستٸكتەرٸن ەلەمگە تانىتۋ.
جيىنعا شىعارمالارى ەلەم تٸلدەرٸنە اۋدارىلعان اۆتورلار مەن اۋدارماشىلار, قر مەملەكەتتٸك حاتشىسى, «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ تٶراعاسى قىرىمبەك كٶشەرباەۆ, الماتى قالاسىنىڭ ەكٸمٸ باقىتجان ساعىنتاەۆ, قر مەدەنيەت جەنە سپورت مينيسترٸ اقتوتى رايىمقۇلوۆا قاتىستى.
باسقوسۋدا اۋدارما جۇمىسى قورىتىندىلانىپ, اۆتورلارعا التى تٸلدە جارىق كٶرگەن شىعارمالارىنىڭ جيناقتارى تاپسىرىلدى.
قر مەملەكەتتٸك حاتشىسى قىرىمبەك كٶشەرباەۆ قازاق ەدەبيەتٸنٸڭ ٷزدٸك ٷلگٸلەرٸن بۇۇ-نىڭ 6 تٸلٸنە اۋدارۋ جەنە ونى وسىنداي كەڭ كٶلەمدە تاراتۋ بٸزدٸڭ تاريحىمىزدا بۇرىن-سوڭدى بولماعانىن ايتتى. «بۇل جوبانى ۇيىمداستىرۋ جەنە ٷيلەستٸرۋ جٷيەسٸ دە بۇرىنعىدان ٶزگەشە بولدى. ونداعى باستى ماقسات كٶركەم اۋدارمانىڭ جوعارى ساپاسىن قامتاماسىز ەتۋ ەدٸ. وسى رەتتە, ەڭ الدىمەن, جوبانى جٷزەگە اسىرۋعا 6 ەلدٸڭ كٶركەم اۋدارما سالاسىندا تەجٸريبەسٸ مول, بەدەلدٸ دەگەن باسپالارى تاڭدالدى. 60 اۆتوردىڭ ٷزدٸك تۋىندىلارى ەنگەن انتولوگييالار دٷنيەجٷزٸنٸڭ 5 قۇرلىعىنداعى 93 مەملەكەتتٸڭ ٸرٸ كٸتاپحانالارىنا, ٸرگەلٸ وقۋ ورىندارىنا, مەدەنيەت پەن ەدەبيەتكە ماماندانعان عىلىمي ورتالىقتارىنا تاراتىلادى», – دەدٸ قىرىمبەك ەلەۋۇلى.
قازاق ەدەبيەتٸ جيناقتارىنىڭ اعىلشىن تٸلٸندەگٸ نۇسقاسىن كەمبريدج ۋنيۆەرسيتەتٸنٸڭ باسپاسى, اراب تٸلٸندەگٸ باسىلىمىن مىسىردىڭ ۇلتتىق بٸلٸم جەنە مەدەنيەت ورتالىعى, يسپان تٸلٸندەگٸ جيناقتاردى سەرۆانتەس ينستيتۋتى, ورىس تٸلٸندەگٸ انتولوگييالاردى م.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ باسپا ٷيٸ, قىتاي تٸلٸندەگٸ جيناقتاردى بەيجٸڭدەگٸ ۇلتتار باسپاسى, فرانتسۋز تٸلٸندەگٸ باسىلىمدى پاريجدٸڭ مەدەني بٸرلەستٸگٸ دايىندادى. اتالعان سەرٸكتەس-ۇيىمداردىڭ اۋدارۋ, باسىپ شىعارۋ, تاراتۋ-ناسيحاتتاۋ جۇمىستارىنا 300-گە جۋىق مامان جۇمىلدىردى.
جوبا اياسىندا اۋدارمانىڭ ەرەكشەلٸگٸن تالقىلاپ, ٶزارا ەڭگٸمەلەسۋ ٷشٸن شەتەلدٸك اۋدارماشىلار مەن باسپاگەرلەردٸڭ قازاقستاندىق اۆتورلارمەن كەزدەسۋٸ ٶتكٸزٸلدٸ. بۇل اۋدارمانى تٷپنۇسقا مەتٸنگە مەيلٸنشە جاقىنداتۋعا ەرٸ ونىڭ كٶركەمدٸك ساپاسىن قامتاماسىز ەتۋگە مٷمكٸندٸك بەرٸلدٸ.
ەر انتولوگييانىڭ تارالىمى – 10 مىڭ دانا. جالپى سانى 120 مىڭ جيناق ەلەمنٸڭ 23 مىڭنان استام ٸرٸ كٸتاپحاناسىنا, وقۋ ورىندارى مەن عىلىمي ورتالىقتارعا جەتكٸزٸلدٸ. ونىڭ ٸشٸندە اعىلشىن تٸلدٸ باسىلىمدار اعىلشىن تٸلٸ رەسمي مەرتەبەگە يە 18 مەملەكەتكە, اراب تٸلٸندەگٸ جيناقتار وسى تٸلدە سٶيلەيتٸن تاياۋ شىعىس پەن افريكاداعى 22 مەملەكەتكە, يسپان تٸلٸندەگٸ باسىلىمدار يسپانييامەن قاتار لاتىن امەريكاسىنىڭ 20 ەلٸنە, قىتاي تٸلٸندەگٸ باسىلىمدار 1,5 ميلليارد حالقى بار ەلدٸڭ بارلىق ايماقتارىنا, ورىس تٸلٸندەگٸ جيناقتار ورىس تٸلٸن بٸلەتٸن 14 مەملەكەتكە, فرانتسۋز تٸلٸندەگٸ تارالىم ەۋروپا مەن افريكانىڭ 17 ەلٸنە تاراتىلدى.
سونداي-اق, قازاق ەدەبيەتٸنٸڭ انتولوگييالارى ٸرٸ كٸتاپحانا قورلارى مەن ونداعى ەرەكشە كٸتاپتاردى ەسەپكە الاتىن WorldCat دەپ اتالاتىن حالىقارالىق بيبليوگرافييالىق جٷيەگە ەندٸ. انتولوگييالاردى العان ەلدەر مەن ۇيىمداردان 100-دەن اسا العىس حات كەلدٸ. مەسەلەن, فرانتسييا پرەزيدەنتٸ ەممانۋەل ماكرون, ۇلىبريتانييا بٸلٸم مينيسترٸ گەۆين ۋيليامسون العىس حاتىن جولدادى.
جوبا قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا «ۇلتتىق اۋدارما بيۋروسى» قوعامدىق قورىنىڭ ٷيلەستٸرۋٸمەن جٷزەگە اسىرىلدى.
