مەجٸلٸس تٶراعاسى ەرلان قوشانوۆ پوليتسييانى قولداۋ بويىنشا پرەزيدەنت تاپسىرمالارىن جەدەلدەتٸپ ورىنداۋعا قاتىستى ۇسىنىس ەنگٸزدٸ, دەپ حابارلايدى قازاقپارات تٸلشٸسٸ.
اتاپ ايتقاندا, بٷگٸن مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قۇقىق قورعاۋ قىزمەتٸن ٶتكەرۋ تەرتٸبٸن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى بٸرٸنشٸ وقىلىمدا قارالىپ, ماقۇلداندى.
«زاڭ جوباسىندا (بٷگٸن مەجٸلٸستە قارالعان «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قۇقىق قورعاۋ قىزمەتٸن ٶتكەرۋ تەرتٸبٸن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى) كادرلىق مەسەلە, قۇقىق قورعاۋ ورگاندارىن ماتەريالدىق قامتاماسىز ەتۋ مەسەلەلەرٸ, سونداي-اق ەلەۋمەتتٸك قورعاۋ باعىتتارى قارالعان. بٸراق قاڭتارداعى قايعىلى وقيعادا قۇقىق قورعاۋ ورگاندارىنىڭ فۋنكتسييالارى جەنە ٶكٸلەتتٸلٸگٸ زاڭنامالىق جاعىنان جەتكٸلٸكسٸز رەتتەلگەنٸ بايقالدى. 11 قاڭتاردا پرەزيدەنت مەجٸلٸس وتىرىسىندا سٶيلەگەن سٶزٸندە ٷش بلوك بويىنشا زاڭدارعا تٷزەتۋلەر ەنگٸزۋ تۋرالى تاپسىرما بەرگەن بولاتىن. بٸرٸنشٸسٸ, قارۋ-جاراق اينالىمىنا قاتىستى قويىلاتىن تالاپتاردى قاتاڭداتۋ ەدٸ. ەكٸنشٸسٸ, بيلٸك ٶكٸلدەرٸنە شابۋىل جاساعانى جەنە زاڭدى تالاپتارعا باعىنباعانى ٷشٸن جاۋاپكەرشٸلٸكتٸ كٷشەيتۋ مەسەلەسٸ. ٷشٸنشٸسٸنە توقتالساق, كٷشتٸك قۇرىلىمداردىڭ شەشٸم قابىلداۋ كەزٸندەگٸ دەربەستٸگٸ, باسشىلاردىڭ جاۋاپكەرشٸلٸگٸ. سودان بەرٸ بٸر اي ٶتتٸ, وسى ورايدا زاڭ جوباسى قايدا? مەجٸلٸستٸڭ قاراۋىنا قاشان ەنگٸزٸلەدٸ?», - دەپ سۇرادى قوشانوۆ.
ٶز كەزەگٸندە قر باس پروكۋرورىنىڭ ورىنباسارى ەسەت شىنداليەۆ تيٸستٸ زاڭ جوبالارى ەزٸرلەنگەنٸن, ونىڭ بٸرەۋٸن ٸشكٸ ٸستەر مينيسترلٸگٸ, ال ەكٸنشٸسٸن باس پروكۋراتۋرا دايارلاعانىن جەتكٸزدٸ.
«قازٸر زاڭ جوبالارى ٶكٸلەتتٸ ورگانداردا كەلٸسۋدە جاتىر. ول قۇجاتتار بويىنشا تيٸستٸ جۇمىستار اتقارىلىپ جاتىر, جاقىن ارادا پارلمەنتكە جولدايمىز... بەكٸتٸلگەن جوسپار بويىنشا ماۋسىم ايى بەلگٸلەنگەن, بٸراق بٸز جۇمىستاردى تەزدەتٸپ جاتىرمىز», - دەدٸ شىنداليەۆ.
بۇل جاۋاپقا قاتىستى مەجٸلٸس تٶراعاسى تيٸستٸ ۇسىنىس جاسادى.
«سٸزدەر سەۋٸردە نەمەسە ماۋسىمدا (زاڭ جوبالارىن) ەنگٸزەسٸزدەر. ول ودان كەيٸن قىركٷيەك ايىندا جالپى وتىرىستا قارالا باستايدى. سودان كەيٸن سەناتتىڭ تالقىلاۋىنا ەنگٸزٸلٸپ, جىلدىڭ اياعىنا دەيٸن جالعاسادى. سوندا, پرەزيدەنتتٸڭ تاپسىرماسىن بٸر جىل ۋاقىتتا ورىندايمىز. ياعني بۇل مەسەلە بٸر جىلدىڭ ٸشٸندە ٶزەكتٸ بولا ما?! وعان دەيٸن قانداي وقيعالار بولۋى مٷمكٸن? سوندىقتان تيٸستٸ ۇسىنىستى جاسايمىن. بٷگٸنگٸ زاڭ جوباسىن بٸرٸنشٸ وقىلىمدا قاراپ وتىرمىز, ەندٸ ەكٸنشٸ وقىلىمعا دەيٸن تيٸستٸ ٶزگەرتۋلەر مەن تولىقتىرۋلاردى ەنگٸزٸڭٸزدەر. ەكٸنشٸ وقىلىمدا وسى زاڭنىڭ ٸشٸندە اتالعان مەسەلەلەردٸ بٸرگە قاراپ جٸبەرۋ كەرەك. سوندا, مەملەكەت باسشىسىنىڭ تاپسىرمالارىن جەدەل ورىنداۋعا جاعداي جاسالادى», - دەدٸ قوشانوۆ.
«ەكٸنشٸ وقىلىمعا دەيٸن تيٸستٸ تٷزەتۋلەردٸ دايىنداۋ كەرەك. پوليتسييانى, قۇقىق قورعاۋ ورگاندارىن مورالدىق تۇرعىدان بولسىن قولداۋىمىز كەرەك. ولار ەكٸ تٷرلٸ شابۋىلعا ۇشىراپ وتىر. بٸرٸنشٸدەن, قاڭتار ايىنداعى تەرتٸپسٸزدٸك كەزٸندە شابۋىلعا تاپ بولسا, ەكٸنشٸدەن, اقپاراتتىق شابۋىلعا ۇشىراپ وتىر. ال كەرەك كەزٸندە بٸزدٸ قورعايتىن وسى پوليتسييا قىزمەتكەرلەرٸ. سوندىقتان بٸز بۇل سۇراقتى جەدەلدەتٸپ, وسى زاڭ جوباسىن تەزٸرەك قابىلداپ, پرەزيدەنتتٸڭ تاپسىرماسىن ورىنداۋىمىز كەرەك», - دەدٸ مەجٸلٸس تٶراعاسى.
