كوروناۆيرۋس بٸرشاما تٶمەن اگرەسسيۆتٸ فورمادا ٶتەدٸ. بۇل تۋرالى نۇر-سۇلتان قالالىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسشىسى سارحات بەيسەنوۆا ايتتى, دەپ حابارلايدى قازاقپارات.
«وسى جىلدىڭ ماۋسىم ايىنىڭ سوڭىنان بەرٸ ەلورداداعى كوروناۆيرۋس ينفەكتسيياسىنا قاتىستى ەپيدەميولوگييالىق جاعدايدىڭ كٷردەلەنٸپ كەلە جاتقانى بايقالادى. ايتالىق, وسىدان بٸر اي بۇرىن تەۋلٸك ٸشٸندە بٸرنەشە عانا جاعداي تٸركەلسە, سوڭعى ەكٸ اپتادا ورتاشا تەۋلٸكتٸك تٸركەلٸم 120 جاعدايعا جەتٸپ وتىر. سوڭعى تەۋلٸكتە كوروناۆيرۋس ينفەكتسيياسىنىڭ زەرتحانالاردا دەلەلدەنگەن 118 جاعدايى تٸركەلدٸ. كوروناۆيرۋس ينفەكتسيياسىنىڭ دامۋ قارقىنى بويىنشا رەپوردۋكتيۆتٸلٸك سان 1,958-گە تەڭ», - دەدٸ سارحات بەيسەنوۆا اگەنتتٸك تٸلشٸسٸنٸڭ ساۋالىنا بەرگەن جاۋابىندا.
ونىڭ ايتۋىنشا, اۋرۋشاڭدىقتىڭ ارتۋىنا قاراماستان كوروناۆيرۋس بٸرشاما تٶمەن اگرەسسيۆتٸ فورمادا ٶتٸپ جاتىر. ەڭ باستىسى ناۋقاستاردىڭ ٸشٸندە ٶكپەنٸ جاساندى جەلدەتۋ اپپاراتىنا قوسىلعاندار جوق.
«قازٸرگٸ ۋاقىتتا 118 ناۋقاس ستاتسيونارلاردا, ونىڭ ٸشٸندە 11 ناۋقاس رەانيماتسييا بٶلٸمشەسٸندە ەم الىپ جاتىر. سونىمەن قاتار 338 ادام امبۋلاتورلىق جاعدايدا ەم الۋ ٷستٸندە», - دەدٸ ول.
