Koronavirýs birshama tómen agressivti formada ótedi. Bul týraly Nur-Sultan qalalyq sanitarlyq-epidemiologiialyq baqylaý departamentiniń basshysy Sarhat Beisenova aitty, dep habarlaidy QazAqparat.
«Osy jyldyń maýsym aiynyń sońynan beri elordadaǵy koronavirýs infektsiiasyna qatysty epidemiologiialyq jaǵdaidyń kúrdelenip kele jatqany baiqalady. Aitalyq, osydan bir ai buryn táýlik ishinde birneshe ǵana jaǵdai tirkelse, sońǵy eki aptada ortasha táýliktik tirkelim 120 jaǵdaiǵa jetip otyr. Sońǵy táýlikte koronavirýs infektsiiasynyń zerthanalarda dáleldengen 118 jaǵdaiy tirkeldi. Koronavirýs infektsiiasynyń damý qarqyny boiynsha repordýktivtilik san 1,958-ge teń», - dedi Sarhat Beisenova agenttik tilshisiniń saýalyna bergen jaýabynda.
Onyń aitýynsha, aýrýshańdyqtyń artýyna qaramastan koronavirýs birshama tómen agressivti formada ótip jatyr. Eń bastysy naýqastardyń ishinde ókpeni jasandy jeldetý apparatyna qosylǵandar joq.
«Qazirgi ýaqytta 118 naýqas statsionarlarda, onyń ishinde 11 naýqas reanimatsiia bólimshesinde em alyp jatyr. Sonymen qatar 338 adam ambýlatorlyq jaǵdaida em alý ústinde», - dedi ol.
