قازاقستاندا كوروناۆيرۋستى جەڭٸل جەنە سيمپتومسىز كٶتەرەتٸن ادامدارعا كٶشپەلٸ بريگادالار اقىلى قىزمەت كٶرسەتەدٸ. بۇل تۋرالى دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى قازاقپارات.
«كوروناۆيرۋس جۇقتىرۋ كٷدٸگٸ بولعان ادامدارعا, ٸندەتتٸ جەڭٸل نەمەسە بەلگٸسٸ جوق كٷيدە كٶتەرەتٸن ازاماتتارعا امبۋلاتورييالىق كٶمەكتٸ موبيلدٸ كٶشپەلٸ بريگادالار كٶرسەتەدٸ. وسى كٷنگە دەيٸن 380 بريگادا قۇرىلىپ قويدى. ولاردىڭ سانىن 3 مىڭعا جەتكٸزۋ كٶزدەلٸپ وتىر. 2020 جىلدىڭ 1 شٸلدەسٸنەن باستاپ كٶشپەلٸ بريگادالاردىڭ قىزمەتٸ ٷشٸن ارنايى تاريف بەلگٸلەندٸ. ال ەمحانالارعا تٸركەلگەن حالىق ۋچاسكەلٸك دەرٸگەرلەردەن كونسۋلتاتسييالىق كٶمەك الا بەرەدٸ», - دەدٸ الەكسەي تسوي بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, ەمحاناعا انىقتاما بويىنشا بارعاندارعا كارانتيندٸك فيلترلار ارقىلى قىزمەت كٶرسەتٸلەدٸ.
ەسكە سالا كەتسەك بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قر پرەزيدەنتٸ قاسىم-جومارت توقاەۆتىڭ تاپسىرماسىنا سەيكەس قازاقستانداعى ەپيدەميولوگييالىق احۋالدى تۇراقتاندىرۋ شارالارى قارالعان بولاتىن. مەملەكەتتٸك كوميسسييانىڭ شەشٸمٸمەن 5 شٸلدەدەن باستاپ ەلٸمٸزدە 14 كٷنگە قاتاڭ شەكتەۋ شارالارى ەنگٸزٸلەتٸن بولدى.
