Qazaqstanda koronavirýsty jeńil jáne simptomsyz kóteretin adamdarǵa kóshpeli brigadalar aqyly qyzmet kórsetedi. Bul týraly Densaýlyq saqtaý ministri Aleksei Tsoi málim etti, dep habarlaidy QazAqparat.
«Koronavirýs juqtyrý kúdigi bolǵan adamdarǵa, indetti jeńil nemese belgisi joq kúide kóteretin azamattarǵa ambýlatoriialyq kómekti mobildi kóshpeli brigadalar kórsetedi. Osy kúnge deiin 380 brigada qurylyp qoidy. Olardyń sanyn 3 myńǵa jetkizý kózdelip otyr. 2020 jyldyń 1 shildesinen bastap kóshpeli brigadalardyń qyzmeti úshin arnaiy tarif belgilendi. Al emhanalarǵa tirkelgen halyq ýchaskelik dárigerlerden konsýltatsiialyq kómek ala beredi», - dedi Aleksei Tsoi búgin Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, emhanaǵa anyqtama boiynsha barǵandarǵa karantindik filtrlar arqyly qyzmet kórsetiledi.
Eske sala ketsek búgin QR Premer-Ministri Asqar Maminniń tóraǵalyǵymen ótken Memlekettik komissiia otyrysynda QR Prezidenti Qasym-Jomart Toqaevtyń tapsyrmasyna sáikes Qazaqstandaǵy epidemiologiialyq ahýaldy turaqtandyrý sharalary qaralǵan bolatyn. Memlekettik komissiianyń sheshimimen 5 shildeden bastap elimizde 14 kúnge qatań shekteý sharalary engiziletin boldy.
