وسى اپتادان باستاپ كوروناۆيرۋستان امبۋلاتورلىق جاعدايدا ەمدەلۋشٸلەرگە دەرٸ-دەرمەك ەمحانالاردان تەگٸن بەرٸلە باستايدى, دەپ حابارلايدى "ۇلت اقپارات" قر دەنساۋلىق ساقتاۋ مينيسترلٸگٸنٸڭ اقپاراتتىق ورتالىعىنا سٸلتەمە جاساپ.
COVID-19 انىقتالعان ناۋقاستارعا تٸركەلگەن مەكەن-جايى بويىنشا بارلىق ەمحانالاردا تەگٸن دەرٸ-دەرمەك بەرٸلەدٸ. دەنساۋلىق ساقتاۋ مينيسترلٸگٸ ٸندەتتٸ انىقتاۋدىڭ جەنە ەمدەۋدٸڭ حاتتاماسىنا تەگٸن تاراتىلاتىن دەرٸنٸڭ 5 تٷرٸن ەنگٸزدٸ. ولار: پاراتسەتامول, يبۋپروفەن, انتيكواگۋليانتتار, ريۆاروكسابان, اپيكسابان جەنە دابيگاتران.
«ٶزٸن جايسىز سەزٸنگەن نەمەسە دەنە قىزۋى كٶتەرٸلگەن ادامدار دەرەۋ ەمحاناعا بارىپ قارالۋى تيٸس. ەگەر ماماندار كوروناۆيرۋسقا ۇقساستىعى بار بەلگٸلەرگە كٶز جەتكٸزگەن جاعدايدا نۇسقاۋلىق بەرەدٸ. تۇتىنۋعا قاجەتتٸ پرەپاراتتاردىڭ ەلەكتروندى تٸزٸمٸن جازادى. سەيكەسٸنشە, دەرٸحاناعا بارىپ جەكە باسىڭىزدى كۋەلاندىراتىن قۇجاتتى كٶرسەتٸپ قاجەتتٸ دەرٸنٸ تەگٸن الاسىز. ەگەر قاجەت دەرٸ بولماعان جاعدايدا «سق-فارماتسييانىڭ» 1439 (قوڭىراۋ شالۋ تەگٸن) بايلانىس ورتالىعىنا حابارلاسۋ كەرەك. وپەراتورلار مەسەلەنٸ انىقتاپ, قاجەت دەرٸ قولىڭىزعا تيگەنشە جەردەم جاسالادى», دەلٸنگەن حابارلامادا.
«ەربٸر ٶڭٸر ٶزٸنٸڭ قاجەتتٸلٸگٸنە قاراي تاپسىرىس بەردٸ. وسى اپتادان باستاپ ەل تۇرعىندارى ەمحانالاردان تەگٸن دەرٸنٸ الا الادى. دەرٸگەرلەردٸڭ پرەپاراتتاردى تاعايىنداپ جازىپ بەرۋٸنە بارلىق مٷمكٸندٸك جاسالعان», - دەپ مەلٸمدەدٸ «سق-فارماتسييا» جشس باسقارما تٶراعاسى ەرحات ەسقاليەۆ.
ايتا كەتەرلٸگٸ, اپيكسابان جەنە دابيگاتران دەرٸلەرٸنٸڭ قازاقستاندا بالاماسى جوق. بۇعان دەيٸن بۇل دەرٸلەر ستاتسيونارلىق كٶمەك ٷشٸن قولدانىلعان جەنە «سق-فارماتسييانىڭ» قورىندا جەتكٸلٸكتٸ دەڭگەيدە ساقتاۋلى تۇر. سونىمەن قاتار, «نوبەل» الماتى فارماتسەۆتيكالىق فابريكاسى
ريۆاروكسابان دەرٸسٸن تٸركەدٸ. ەندٸ ول ەمحانالارعا ريۆاروكس تاۋارلىق اتاۋىمەن جەتكٸزٸلەدٸ. اتالعان پرەپارات «سق-فارماتسييانىڭ» قويماسىنا جەتكٸزٸلدٸ, قازٸرگٸ ۋاقىتتا ەلٸمٸزدەگٸ ەمحانالارعا جٶنەلتٸلٸپ جاتىر.
«وتاندىق زاۋىت ٶندٸرٸستٸ ٸسكە قوستى. دەمەك, ٸشكٸ نارىقتىڭ سۇرانىسىن تولىقتاي ورىنداۋعا مٷمكٸندٸك بار. سونىمەن قاتار, ەكونوميكالىق تيٸمدٸلٸگٸ دە جوعارى. شەتەلدٸك دەرٸلەرگە قاراعاندا 40 پايىز ارزان», - دەدٸ ەرحات ەسقاليەۆ.
سونىمەن قاتار, ەرحات ەسقاليەۆ قازٸرگٸ ۋاقىتتا پاراتسەتامول دەرٸسٸن ساتىپ الۋدىڭ رەسٸمٸ جٷرٸپ جاتقانىن جەتكٸزدٸ. ساتىپ الۋ اياقتالعانشا ونىڭ ورنىن يبۋپروفەن پرەپاراتى الماستىرادى.
