جەنەۆادا دٷنيەجٷزٸلٸك دەنساۋلىق ساقتاۋ ۇيىمىنىڭ 73-شٸ سەسسيياسى ٶتٸپ جاتىر. وعان ەلەمنٸڭ 194 مٷشە-مەملەكەتٸنٸڭ ٶكٸلٸ قاتىسۋدا, دەپ حابارلايدى قازاقپارات.
اسسامبلەيانىڭ اشىلۋىندا قحر تٶراعاسى سي تسزينپين, فرانتسييا پرەزيدەنتٸ ەممانۋەل ماكرون, گەرمانييا كانتسلەرٸ انگەلا مەركەل, وڭتٷستٸك كورەيا باسشىسى مۋن چجە ين, سونداي-اق وڭتٷستٸك افريكا رەسپۋبليكاسى مەن افريكا ەلدەرٸنٸڭ پرەزيدەنتتەرٸ سٶز سٶيلەدٸ.
«بٸز – ەلەم مەملەكەتتەرٸ داعدارىسقا قارسى تۇرۋ ٷشٸن بٸرٸكتٸك. ۆيرۋسپەن كٷرەستٸ جالعاستىرىپ جاتقاندارعا قولداۋ بٸلدٸرەمٸز. بۇل قيىندىقتى بٸرٸكسەك قانا جەڭە الامىز, سول ٷشٸن بولاشاققا ٷمٸت ارتامىز. ەلەم بۇدان بۇرىن دا پاندەمييامەن بەتپە-بەت كەلگەن. ەيتسە دە, كوروناۆيرۋس پاندەميياسى ٶتە قاۋٸپتٸ. ۆيرۋس, ٶكٸنٸشكە قاراي, تەز تارالادى ەرٸ ەم قابىلداماسا ٶلٸمگە ەكەلەدٸ... شىنىندا دا, ول ورمانداعى وت سيياقتى. ەلەمدە 4,5 ميلليوننان استام COVID-19 وقيعاسى تٸركەلگەن. ٶلٸم جاعدايى - 300 مىڭ. تۇتاس وتباسىلار, قاۋىمداستىقتار, ۇلتتار زارداپ شەگٸپ جاتىر. ەرينە بۇل جەردە اۋرۋ تۋرالى عانا ەمەس, ٶلٸم تۋرالى, دەنساۋلىق ساقتاۋ جٷيەسٸنٸڭ كەمشٸلٸگٸ تۋرالى ەڭگٸمە ايتىلىپ وتىر», - دەدٸ ددۇ باس ديرەكتورى تەدروس ادانوم گەبرەيەسۋس 73-شٸ سەسسييانىڭ اشىلۋىندا سٶيلەگەن سٶزٸندە.
ونىڭ ايتۋىنشا, كوروناۆيرۋس پاندەميياسى ادام ويلاماعان ٶزگەرٸستەرگە الىپ كەلدٸ.
«نەبەرٸ 6 اي بۇرىن عانا شۋلى ەرٸ ٶمٸرگە تولى قالالار بوس قالاتىنىن, مەيرامحانالار جابىلىپ, عالامدىق ساياحات توقتايتىنىن ەشكٸم ويلاماعان دا ەدٸ. قازٸر قاراپايىم قول بەرٸپ امانداسۋدىڭ ٶزٸ - سٸزدٸڭ ٶمٸرٸڭٸز ٷشٸن قاۋٸپتٸ», - دەپ ەسكەرتتٸ ددۇ باسشىسى.
تەدروس ادانوم گەبرەيەسۋستٸڭ سٶزٸنشە, كوروناۆيرۋس ەسٸرەسە كەدەي ەلدەرگە قاتتى ەسەر ەتۋدە. بۇل – داعدارىس اياسىنداعى ماڭىزدى پروبلەمالاردىڭ بٸرٸ.
«التى ايدان از ۋاقىت ٸشٸندە پاندەمييا بٷكٸل ەلەمدٸ دٷر سٸلكٸندٸردٸ. بارلىق ەلدەردٸڭ الدىندا ٷلكەن قيىندىق تۇر. ٸرٸ جەنە كٸشٸ, باي جەنە كەدەي, دامۋشى ەلدەر, قاقتىعىس ايماعىنداعى ەلدەر, ەڭ كٶپ زارداپ شەككەن ەلدەر – بەرٸ دە قازٸر ۆيرۋس قۇرساۋىندا. ەلدٸ مەكەندەردە ٶمٸر سٷرگەن كەزدە ەلەۋمەتتٸك قاشىقتىقتى قالاي ساقتايسىز, قولىڭىز گيگيەناسىن قالاي ساقتايسىز, تازا سۋ جەتكٸلٸكتٸ مە?
كەيبٸر مەملەكەتتەر ەلەۋلٸ شەكتەۋلەر مەن كارانتين تەرتٸبٸن ەنگٸزدٸ. كەيبٸر ەلدەر قيىن جاعدايعا ەندٸ دايىندالىپ جاتىر. كەيبٸر ەلدەر ەلٸ دە شەكتەۋلەردٸ قالاي الىپ تاستاۋ كەرەكتٸگٸن ساراپتاۋدا. ددۇ ەلدەردٸڭ اياققا تۇرىپ, قالىپتى ٶمٸرگە ورالۋىن, جۇمىس ٸستەۋگە دەگەن ۇمتىلىسىن تولىعىمەن قولدايدى ەرٸ تٷسٸنەدٸ. بٸز بەرٸمٸز جاھاننىڭ تەزٸرەك قالپىنا كەلۋٸن قالايمىز. ەلدەردٸ ساقتىقپەن ەرەكەت ەتۋگە شاقىرامىز. دەنساۋلىق ساقتاۋ ارحيتەكتۋراسىن ەسكەرۋسٸز جىلدام جٷرگٸزەتٸن ەلدەر ٷلكەن قاۋٸپ-قاتەرگە ۇشىراۋى مٷمكٸن», - دەپ ەسكەرتتٸ ۇيىمنىڭ باس ديرەكتورى.
