كوروناۆيرۋسپەن كٷرەسكە جۇمىلدىرىلعان مەديتسينا قىزمەتكەرلەرٸنە تيەسٸلٸ ٷستەماقىنى تٶلەۋ كەزٸندە جەمقورلىققا بوي الدىرعان بٸراز شەنەۋنٸك جازاعا تارتىلدى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸنەن مەلٸم ەتتٸ, دەپ حابارلايدى "ۇلت اقپارات".
مەسەلەن, تالدىقورعان قالاسىنداعى ەسكەري گوسپيتالدٸڭ باستىعى كٶلباەۆقا الماتى گارنيزونى ەسكەري سوتىنىڭ ٷكٸمٸمەن 2 جىلعا باس بوستاندىعىنان شەكتەۋ جازاسى بەرٸلدٸ. ول گوسپيتالدٸڭ اعا مەدبيكەسٸ, سەرجانت ازيماحۋنوۆانىڭ دەلدالدىعىمەن مەديتسينالىق مەكەمەگە جۇمىسقا تۇرعان قاسانعاليەۆتەن 1 ملن تەڭگە نەمەسە مەديتسينالىق جەردەماقىنىڭ 50 پايىزىن پارا رەتٸندە العانى ٷشٸن ايىپتالدى.
ال جامبىل وبلىسىندا اۋداندىق اۋرۋحانالاردىڭ بٸرٸنٸڭ باسشىسىنا قاتىستى پاندەمييامەن كٷرەسكە جۇمىلدىرىلعان اۋرۋحانا قىزمەتكەرلەرٸنە تيەسٸلٸ 2,7 ملن تەڭگەدەن الىم-سالىق جيناۋ فاكتٸسٸ بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
شىمكەنت قالاسىنداعى مەديتسينالىق مەكەمەنٸڭ لاۋازىمدى تۇلعاسىنا قاتىستى دا ۆيرۋس جۇقتىرۋ تەۋەكەلٸ جوعارى توپقا جاتپايتىن قىزمەتكەرلەرگە 50 ملن تەڭگەدەن استام ٷستەمەاقى تٶلەگەنٸ ٷشٸن ٸس قوزعالىپ وتىر.
قىزىلوردا وبلىسىندا دا اۋداندىق اۋرۋحانالاردىڭ مەديتسينا قىزمەتكەرلەرٸنە 12 ملن تەڭگەدەن استام نەگٸزسٸز ٷستەمەاقى تٶلەۋ فاكتٸسٸ بويىنشا تەرگەۋ جٷرگٸزٸلۋدە.
اقتٶبە وبلىسىندا دا مەديتسينالىق ٷستەمەاقى تٶلەۋ بارىسىنداعى زاڭسىزدىقتار بويىنشا مەملەكەتتٸك اۋديت ماتەريالدارى وبلىس ەكٸمدٸگٸنە شارا قابىلداۋ ٷشٸن جٸبەرٸلگەن. نەتيجەسٸندە حرومتاۋ, مۇعالجار, العا, مەرتٷك, شالقار اۋداندىق اۋرۋحانالارىنىڭ, اقتٶبە مەديتسينالىق ورتالىعىنىڭ باس دەرٸگەرلەرٸ مەن مەديتسينا قىزمەتكەرلەرٸ تەرتٸپتٸك جازاعا تارتىلدى.
