كوروناۆيرۋس ٸندەتٸمەن ەكٸنشٸ رەت اۋرۋدىڭ سالدارى قانداي بولماق? كوروناۆيرۋستان قالاي ساقتانعان جٶن? بۇل ساۋالدارعا نۇر-سۇلتان قالالىق كٶپبەيٸندٸ №1 اۋرۋحاناسى باس دەرٸگەرٸنٸڭ مٸندەتٸن اتقارۋشى مارات ەبدۋوۆ جاۋاپ بەردٸ, دەپ حابارلايدى قازاقپارات.
«كوروناۆيرۋس ٸندەتٸنە قايتا شالدىعۋ اۋرۋدىڭ ٶتۋ بارىسىن كٷردەلەندٸرٸپ جٸبەرەدٸ. قانت ديابەتٸ جەنە ٶزگە دە سوزىلمالى جاناما اۋرۋلارمەن تٷسەتٸن ناۋقاستاردا كوروناۆيرۋس ٶتە اۋىر جٷرەدٸ. دەگەنمەن بٸز ٷلكەن تەجٸريبە جيناپ الدىق. ٸس جٷزٸندە بارلىق ناۋقاستى ەمدەپ شىعارۋعا بولادى», - دەدٸ ول.
سونىمەن قاتار ول كوروناۆيرۋس ٸندەتٸمەن قايتادان ستاتسيونار كٶمەگٸنە جٷگٸنگەن ناۋقاستار جايىندا ايتىپ بەردٸ.
«كوروناۆيرۋستىق ٶكپە قابۋىنان جازىلىپ شىققاننان كەيٸن بٸر نەمەسە ەكٸ اپتادان كەيٸن ولار قايتادان اسقىنۋلارمەن تٷسٸپ جاتادى. بٸراق, ولاردىڭ بەلگٸلەرٸ باسقا بولادى. بۇل رەتتە ناۋقاستىڭ جاسى مەن جاناما اۋرۋلارىن ەسكەرگەن جٶن. بٷكٸل حالىق ٷشٸن بۇل جاعداي وڭايعا سوقپاعانىن تٷسٸنەمٸز. ۇزاققا سوزىلعان كارانتين كەزەڭٸ كٶپشٸلٸككە ۇنامايدى, ادامدار نارازىلىق تا تانىتىپ جاتادى. دەگەنمەن, بٸز ٶزٸمٸزگە عانا ەمەس تٶڭٸرەگٸمٸزدەگٸ ادامدارعا دا قامقورلىق تانىتا بٸلۋٸمٸز قاجەت. كارانتيننٸڭ كەزەڭ-كەزەڭٸمەن الىنىپ تاستالۋى بارلىق شەكتەۋ شارالارىنىڭ جويىلعاندىعىن بٸلدٸرمەيدٸ. بۇقارالىق شارالارعا, وتباسىلىق توي-تومالاققا بارماعان جٶن. ماسكا رەجيمٸن ساقتاۋ قاجەت», - دەدٸ مارات ەبدۋوۆ.
