كوروناۆيرۋستى ەمدەۋگە قولدانىلاتىن دەرٸلٸك زاتتاردىڭ بٸرازى ۋىتتى بولۋى مٷمكٸن. بۇل تۋرالى الماتىدا ٶتكەن ونلاين بريفينگ بارىسىندا ينفەكتسيونيست-دەرٸگەر تامارا ۋتاعانوۆا مەلٸم ەتتٸ, دەپ حابارلايدى قازاقپارات.
بريفينگ بارىسىندا جۋرناليستەر سپيكەردەن شەتەلدٸك باسىلىمداردا كوروناۆيرۋسكە قارسى قولدانىلاتىن كەيبٸر دەرٸلٸك زاتتاردىڭ ۋىتتى دەپ كٶرسەتٸلگەنٸن العا تارتتى. ال ونداي توكسيندٸ دەرٸلەردٸڭ كەيبٸرٸ قازٸر قازاقستاندا دا قولدانىلادى. سوندىقتان دا, جۋرناليستەر تاراپىنان ونداي توكسيندٸ دەرٸلەرگە نەگە رۇقسات ەتٸلگەنٸ سۇرالدى.
«بٸز قولدانىپ جٷرگەن پاراتسەتامول دا - توكسيندٸ پرەپارات. قازٸر بەرٸلٸپ جاتقان دەرٸلەر كٶبٸنە ستاتسيوناردا ەمدەۋگە ارنالعان. بۇل دەرٸلەردٸ قابىلداۋ كەزٸندە دەرٸگەردٸڭ باقىلاۋىندا بولۋ كەرەك. كٶپ دەرٸلەر پاتسيەنتكە الدىن الا تٷسٸندٸرٸلٸپ, ايتىلعان سوڭ ونىڭ كەلٸسٸمٸمەن بەرٸلەدٸ. بٸز دەرٸنٸڭ پايداسى قاۋپٸنەن اسىپ تٷسكەن جاعدايدا عانا تاعايىندايمىز. قاۋپٸ جوعارى بولسا, بەرٸلمەيدٸ», - دەدٸ تامارا ۋتاعانوۆا.
