تەڭٸز كەنٸشٸندە كوروناۆيرۋسقا شالدىققاندارمەن بايلانىستا بولعان 1,5 مىڭنان استام جۇمىسشى انىقتالدى, - دەپ حابارلايدى اتىراۋ وبلىستىق تٶتەنشە جاعداي رەجيمٸن قامتاماسىز ەتۋ جٶنٸندەگٸ شۇعىل شتابى.
ەسكە سالا كەتەلٸك, 16 سەۋٸردەن باستاپ تەڭٸز كەنٸشٸنەن شۇعىل ەمەس پەرسونالدى شىعارۋ باستالعان بولاتىن. تۇتاستاي العاندا 17 مىڭنان استام جۇمىسشىنى شىعارۋ جوسپارلانىپ وتىر.
«ونىڭ ٸشٸندە 6 مىڭنان استام جۇمىسشى - اتىراۋ وبلىسىنىڭ, 2 مىڭنان استامى - اقتٶبە جەنە باتىس قازاقستان وبلىستارىنىڭ, 600-دەن استامى - ماڭعىستاۋ وبلىسىنىڭ تۇرعىندارى. قالعان قىزمەتكەرلەر - قازاقستاننىڭ ٶزگە ٶڭٸرلەرٸنەن كەلگەن ماماندار» دەپ ناقتىلادى شۇعىل شتاب.
قازٸرگٸ ۋاقىتتا 10 مىڭنان استام جۇمىسشى شىعارىلدى. ونىڭ ٸشٸندە 4 مىڭعا جۋىق جۇمىسشى - ەۋە جولىمەن, 3 مىڭعا جۋىق جۇمىسشى - تەمٸر جول قاتىناسىمەن, 3 مىڭنان استام جۇمىسشى - اۆتوبۋس كٶلٸگٸمەن تاسىمالداندى. قالعان جۇمىسشىلاردى شىعارۋ پروتسەسٸ 5 مامىردا اياقتالادى دەپ كٷتٸلۋدە.
بٷگٸنگٸ تاڭدا تەڭٸز كەنٸشٸندەگٸ جۇمىسشىلار اراسىندا قاۋٸپتٸ دەرتكە شالدىققاندار سانى 71 ادامعا جەتتٸ. 12 جۇمىسشى جازىلىپ شىقتى.
تەڭٸز كەنٸشٸندە كوروناۆيرۋسقا شالدىققاندارمەن بايلانىستا بولعان 1,5 مىڭنان استام جۇمىسشى انىقتالدى. ونىڭ ٸشٸندە 847 ادام - جاقىن قاتىناستا, 718 ادام - بايلانىستا بولعان.
