كوروناۆيرۋس ٸندەتٸ ٶرشٸپ تۇرعان كەزدە حالىققا قول ۇشىن سوزعان ۆولونتەرلەر «حالىق العىسى» تٶسبەلگٸسٸمەن ماراپاتتالدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين-بريفينگتە ايتىلدى, دەپ حابارلايدى "ۇلت اقپارات".
«كوروناۆيرۋس ٸندەتٸ ٶرشٸپ تۇرعان كەزدە بٸز ادامدارعا كٶمەك كەرەك ەكەنٸن جاقسى تٷسٸندٸك. سول سەبەپتٸ ۆولونتەرلٸك شتابتاردى بٸرٸكتٸردٸك. الماتىدا ۆولونتەرلٸك شتابقا ەرٸكتٸ تٷردە قوسىلعان 50-گە جۋىق ۆولونتەر بار, ولار قايتارىمسىز نەگٸزدە كٶمەك كٶرسەتتٸ. مۇنداي قيىن-قىستاۋ كەزەڭدە مەملەكەتتەن كٶمەك كٷتپەدٸك, سەبەبٸ مەملەكەتتٸڭ قامقورلىق تانىتاتىن سالاسى جەتٸپ ارتىلادى», - دەيدٸ قازاقستاننىڭ ەرٸكتٸلەر ليگاسى الماتى فيليالىنىڭ تٶراعاسى باعدات انارباەۆا.
ونىڭ ايتۋىنشا, قالا ەكٸمدٸگٸ ۆولونتەرلەردٸڭ باستاماسىنا قولداۋ بٸلدٸرگەن.
«ۆولونتەرلەر ٶزگەلەرگە كٶمەكتەسكەن كەزدە ٶزدەرٸنە قاۋٸپ تٶندٸرٸپ الماس ٷشٸن قورعانىس قۇرالدارى, تەگٸن كٶلٸك جەنە تاماق بەرٸلدٸ. ەڭ بەلسەندٸ ۆولونتەرلەر ەلباسىنىڭ, قالا باسشىلىعىنىڭ العىس حاتىمەن ماراپاتتالدى.سونداي-اق, «حالىق العىسى» تٶسبەلگٸسٸمەن ماراپاتتالدى, ياعني نازاردان تىس قالعان جوق», - دەيدٸ ول.
