Koronavirýs indeti órship turǵan kezde halyqqa qol ushyn sozǵan volonterler «Halyq alǵysy» tósbelgisimen marapattaldy. Bul týraly Ortalyq kommýnikatsiialar qyzmetinde ótken onlain-brifingte aityldy, dep habarlaidy "Ult aqparat".
«Koronavirýs indeti órship turǵan kezde biz adamdarǵa kómek kerek ekenin jaqsy túsindik. Sol sebepti volonterlik shtabtardy biriktirdik. Almatyda volonterlik shtabqa erikti túrde qosylǵan 50-ge jýyq volonter bar, olar qaitarymsyz negizde kómek kórsetti. Mundai qiyn-qystaý kezeńde memleketten kómek kútpedik, sebebi memlekettiń qamqorlyq tanytatyn salasy jetip artylady», - deidi Qazaqstannyń eriktiler ligasy Almaty filialynyń tóraǵasy Baǵdat Anarbaeva.
Onyń aitýynsha, qala ákimdigi volonterlerdiń bastamasyna qoldaý bildirgen.
«Volonterler ózgelerge kómektesken kezde ózderine qaýip tóndirip almas úshin qorǵanys quraldary, tegin kólik jáne tamaq berildi. Eń belsendi volonterler Elbasynyń, qala basshylyǵynyń alǵys hatymen marapattaldy.sondai-aq, «Halyq alǵysy» tósbelgisimen marapattaldy, iaǵni nazardan tys qalǵan joq», - deidi ol.
