«قازاق ونكولوگييا جەنە راديولوگييا عىلىمي-زەرتتەۋ ينستيتۋتى» اق باسقارما تٶرايىمى, قر ۇلتتىق عىلىم اكادەميياسىنىڭ اكادەميگٸ, مەديتسينا عىلىمدارىنىڭ دوكتورى ديليارا قايداروۆا كوروناۆيرۋستىڭ قاتەرلٸ ٸسٸككە شالدىققان ناۋقاستارعا قالاي ەسەر ەتەتٸنٸن ايتتى, دەپ حابارلايدى قازاقپارات.
«ونكولوگييالىق اۋرۋعا شالدىققان ناۋقاستاردىڭ يممۋنيتەتٸ ٶتە تٶمەن بولادى. بٸرەۋ حيميوتەراپييا, تاعى بٸرٸ حيرۋرگييالىق ەم الدى. سوندىقتان ولار يممۋنيتەتتٸڭ تٶمەندەۋٸنەن كوروناۆيرۋستى تەز جۇقتىرۋى مٷمكٸن. بٸز پاتسيەنتتەرٸمٸزدەن, ەڭ الدىمەن, ٶزدەرٸنە ۇقىپتى قاراۋدى سۇرايمىز. ەسٸرەسە, اۋرۋحاناعا كەلگەن تۋىستارى جۇقتىرۋى مٷمكٸن. ينفەكتسييانى جۇقتىرماس ٷشٸن ماسكا رەجيمٸن, قول گيگيەناسىن ساقتاۋ قاجەت. ەگەر ناۋقاسقا COVID-19 ٸندەتٸ قوسىلسا, وندا بٸز كوروناۆيرۋستى ەمدەمەيٸنشە, ٸسٸككە قارسى ەمدەۋدٸ بارلىق ستاندارتتار بويىنشا جٷرگٸزە المايمىز», - دەيدٸ ول.
دەرٸگەر ناۋقاستاردى بارلىق سانيتارلىق نورمانى قاتاڭ ساقتاۋعا شاقىردى. ەلەۋمەتتٸك اراقاشىقتىقتى, قول گيگيەناسىن ساقتاۋعا جەنە ماسكا تاعىپ جٷرۋگە كەڭەس بەردٸ.
«قاۋٸپتٸ ۆيرۋستى جۇقتىرعان ناۋقاستارعا حيميوتەراپييا, سەۋلەلٸك تەراپييا تاعايىنداۋ مٷمكٸن ەمەس, ٶيتكەنٸ بۇل پاتسيەنتتٸڭ جاعدايىن ودان سايىن ناشارلاتىپ جٸبەرەدٸ. سوندىقتان ساق جٷرۋ كەرەك», – دەدٸ سپيكەر.
ديليارا قايداروۆانىڭ ايتۋىنشا, كەز كەلگەن ونكولوگييالىق اۋرۋ باستاپقى كەزدە انىقتالسا, ونىڭ تولىق جازىلىپ كەتەتٸنٸن تٸلگە تيەك ەتتٸ. ەڭ باستىسى, ادامدار جىل سايىن پروفيلاكتيكالىق تەكسەرۋدەن ٶتۋٸ كەرەك.
«بۇرىندارى قاتەرلٸ ٸسٸككە شالدىققان ادامدار اۋرۋىن جاسىرىپ, ول تۋرالى ايتۋعا قورقاتىن. قازٸر بەرٸ ٶزگەردٸ. قاتەرلٸ ٸسٸك سونشالىقتى قورقىنىشتى ەمەس. بٸز بارلىعىن وسى سٶزدەن قورىقپاۋعا, سەنٸمدٸ تٷردە ەمدەلۋگە شاقىرامىز. دەر كەزٸندە باستاعان ەم-دوم ٶز نەتيجيەسٸن بەرەدٸ», - دەپ قوستى ەلدٸڭ باس ونكولوگى.
قازاقستاندا بٷگٸندە 187 مىڭ ادام ونكولوگييالىق ەسەپتە تۇر.
