يرلاندييا رەسپۋبليكاسى COVID-19 ۆيرۋسىنىڭ تارالۋ قاۋپٸنە بايلانىستى ەنگٸزٸلگەن كارانتيندٸ ەلسٸرەتۋ جٶنٸندەگٸ جول كارتاسىنىڭ 4-شٸ كەزەڭٸنە ٶتپەۋ تۋرالى شەشٸم قابىلدادى. بۇل تۋرالى BBC اگەنتتٸگٸ.
مينيسترلەر كابينەتٸ COVID-19 ٸندەتٸنٸڭ تارالۋىنا باعىتتالعان قازٸرگٸ شارالار ٶز كٷشٸندە قالۋى تيٸس ەكەندٸگٸمەن كەلٸسٸپ, يرلاندييا رەسپۋبليكاسى ەزٸرگە جول كارتاسىنىڭ 4-شٸ كەزەڭٸنە ٶتپەيتٸنٸ تۋرالى شەشٸم قابىلدادى.
ەلدٸڭ پرەمەر-مينيسترٸ ميكال مارتين ٶز ەرٸپتەستەرٸمەن كەزدەسكەن سوڭ سەرسەنبٸ كٷنٸ كەشكە سٶز سٶيلەدٸ.
پرەمەر ەل تۇرعىندارىنا ساپارعا شىعۋدان باس تارتۋعا كەڭەس بەردٸ. تۇرعىندار بارلىق دٷكەندەر, ساۋدا ورىندارى مەن ساۋدا ورتالىقتارىندا ماسكا تاعىپ, سونداي-اق 2 مەتر قاشىقتىقتى ساقتاۋعا مٸندەتتٸ. بٶلشەك ساۋدا قىزمەتكەرلەرٸ دە قورعانىش ماسكالارىن تاعۋى تيٸس. ەلدەگٸ پاب, بار, تٷنگٸ كلۋبتار مەن كازينولار 10 تامىزعا دەيٸن جابىق بولادى.
ەسكە سالا كەتەيٸك, كارانتيندٸ ەلسٸرەتۋ بويىنشا جول كارتاسىنىڭ 4-شٸ كەزەڭٸ دٷيسەنبٸ كٷنٸ كٷشٸنە ەنۋٸ تيٸس بولعان. عيماراتتاردا 50 ادامنان, ال دالادا 200 ادامنان كٶپ جينالماۋ بويىنشا شەكتەۋلەر اعىمداعى جىلدىڭ 10 تامىزىنا دەيٸن جالعاسادى.
يرلاندييا كارانتيندٸ ەلسٸرەتۋدٸڭ جاڭا كەزەڭٸنە ٶتپەۋ تۋرالى شەشٸمدٸ رەسپۋبليكادا COVID-19 ۆيرۋسىمەن بايلانىستى تاعى ەكٸ ٶلٸمنٸڭ تٸركەلۋٸنە بايلانىستى قابىلدادى. وسىلايشا, قازٸرگٸ كەزدە ەلدە ٸندەتتەن كٶز جۇمعاندار سانى 1748 ادامدى قۇراپ وتىر.
بۇدان باسقا, ەلدە كوروناۆيرۋسقا شالدىعۋدىڭ ون تٶرت وقيعاسى تٸركەلگەن. راستالعان وقيعالار سانى 25683-گە جەتتٸ.
