Irlandiia respýblikasy COVID-19 virýsynyń taralý qaýpine bailanysty engizilgen karantindi álsiretý jónindegi jol kartasynyń 4-shi kezeńine ótpeý týraly sheshim qabyldady. Bul týraly BBC agenttigi.
Ministrler kabineti COVID-19 indetiniń taralýyna baǵyttalǵan qazirgi sharalar óz kúshinde qalýy tiis ekendigimen kelisip, Irlandiia respýblikasy ázirge jol kartasynyń 4-shi kezeńine ótpeitini týraly sheshim qabyldady.
Eldiń premer-ministri Mikal Martin óz áriptesterimen kezdesken soń sársenbi kúni keshke sóz sóiledi.
Premer el turǵyndaryna saparǵa shyǵýdan bas tartýǵa keńes berdi. Turǵyndar barlyq dúkender, saýda oryndary men saýda ortalyqtarynda maska taǵyp, sondai-aq 2 metr qashyqtyqty saqtaýǵa mindetti. Bólshek saýda qyzmetkerleri de qorǵanysh maskalaryn taǵýy tiis. Eldegi pab, bar, túngi klýbtar men kazinolar 10 tamyzǵa deiin jabyq bolady.
Eske sala keteiik, karantindi álsiretý boiynsha jol kartasynyń 4-shi kezeńi dúisenbi kúni kúshine enýi tiis bolǵan. Ǵimarattarda 50 adamnan, al dalada 200 adamnan kóp jinalmaý boiynsha shekteýler aǵymdaǵy jyldyń 10 tamyzyna deiin jalǵasady.
Irlandiia karantindi álsiretýdiń jańa kezeńine ótpeý týraly sheshimdi respýblikada COVID-19 virýsymen bailanysty taǵy eki ólimniń tirkelýine bailanysty qabyldady. Osylaisha, qazirgi kezde elde indetten kóz jumǵandar sany 1748 adamdy qurap otyr.
Budan basqa, elde koronavirýsqa shaldyǵýdyń on tórt oqiǵasy tirkelgen. Rastalǵan oqiǵalar sany 25683-ge jetti.
