قازاقستاندا كوروناۆيرۋس ينفەكتسيياسىن ەكٸنشٸ رەت جۇقتىرۋ وقيعاسى تٸركەلگەن جوق. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتىپ بەردٸ, دەپ حابارلايدى "ۇلت اقپارات".
«قازاقستاندا كوروناۆيرۋس ينفەكتسيياسىن ەكٸنشٸ رەت جۇقتىرعان بٸردە-بٸر ناۋقاس تٸركەلگەن جوق. ونداي اقپارات بٸزگە كەلٸپ تٷسپەدٸ», - دەدٸ ب. قوجاحمەتوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, قازاقستاندا 2 ملن 600 مىڭ پتر تەستٸلەۋ جٷرگٸزٸلگەن. ونىڭ ەر 26-شىسى كوروناۆيرۋس ينفەكتسيياسى بار دەگەن نەتيجە كٶرسەتكەن.
قازٸرگٸ ۋاقىتتا رەسپۋبليكا بويىنشا كٷنٸنە 40 مىڭ تەستٸلەۋ جاساۋ مٷمكٸندٸگٸ بار. جىل سوڭىنا دەيٸن ونىڭ سانى 64 مىڭعا دەيٸن كٶبەيەدٸ.
