ٶتكەن تەۋلٸكتە قازاقستاندا كوروناۆيرۋس ينفەكتسيياسى پتر-تەستٸمەن راستالعان 2 840 جاڭا ناۋقاس تٸركەلدٸ. اۋرۋ جۇقتىرعانداردىڭ تەۋلٸكتٸك كٶرسەتكٸشٸ بويىنشا الماتى مەن نۇر-سۇلتان قالالارى الدا كەلەدٸ: بەيسەنبٸدە الماتىدا — 689, ال استانادا 586 جاڭا ناۋقاس تٸركەۋگە الىنعان. ايماقتار اراسىندا قاراعاندى وبلىسى بٸرٸنشٸ ورىندا تۇر, مۇندا بٸر تەۋلٸكتە Covid-پەن 250 ادام ەسەپكە الىندى.
قازاقستان دەنساۋلىق ساقتاۋ مينيسترلٸگٸنٸڭ حابارلاۋىنشا, 5 مامىردا ەلدە "Covid-تەكتەس پنەۆمونييامەن" 101 ادام تٸركەلگەن. بۇل — پتر-تەستٸ تەرٸس نەتيجە كٶرسەتسە دە, كلينيكالىق بەلگٸلەرٸ بويىنشا كوروناۆيرۋس قاتارىنا جاتقىزىلعان ناۋقاستار.
مۇنداي اۋرۋلاردى مينيسترلٸك ٶتكەن جىلدىڭ جازىنان باستاپ بٶلەك ساناپ كەلەدٸ. ياعني, تامىزدان بەرٸ ەلدە "كوۆيدكە ۇقساس پنەۆمونييامەن" 53 400 ادام تٸركەلٸپ, ونىڭ 829-ى كٶز جۇمعان.
دەنساۋلىق ساقتاۋ مينيسترلٸگٸ ستاتيستيكادا "كوۆيدكە ۇقساس پنەۆمونييا" مەن زەرتحانادا راستالعان Covid مەلٸمەتتەرٸن قوسپاي, بٶلەك ەسەپتەيدٸ. ونىڭ ٷستٸنە تەۋلٸك ٸشٸندە تٸركەلگەن ناۋقاستاردى اراعا تەۋلٸك سالىپ, بٶلەك جارييالايدى.
بەيسەنبٸدە ەلدە Covid-تەن 25 ادام, "پنەۆمونييادان" — 6 ادام قايتىس بولدى.
رەسمي دەرەك بويىنشا, بىلتىرعى ناۋرىزدان بەرٸ Covid دەرتٸ پتر-مەن راستالعان 337 652 ادام تٸركەلگەن, 3 858 ادام قايتىس بولعان.
7 مامىرداعى مەلٸمەت بويىنشا, 42 436 ادام كوروناۆيرۋس ينفەكتسيياسىنان (41 965 كۆي+ جەنە 471 كۆي-) ەمدەلٸپ جاتىر.ولاردىڭ ٸشٸندە 14 551 پاتسيەنت ستاتسيوناردا, 27 885 ناۋقاس امبۋلاتورييالىق دەڭگەيدە ەم قابىلداۋدا.كۆي+, كۆي- شالدىققانداردىڭ اراسىندا:• 782 ادامنىڭ جاعدايى اۋىر,• 188 پاتسيەنتتٸڭ جاعدايى ٶتە اۋىر,• 115 ناۋقاس جاساندى تىنىس الۋ اپپاراتىندا اپپاراتىندا جاتىر.
دەنساۋلىق ساقتاۋ مينيسترلٸگٸنٸڭ حابارلاۋىنشا, 7 مامىرداعى جاعداي بويىنشا, قازاقستاندا كوروناۆيرۋس ۆاكتسيناسىنىڭ العاشقى دوزاسىن 1,63 ميلليون ادام, ەكٸنشٸ كومپونەنتٸن 523 مىڭداي ادام العان. ەلدە قازٸر ٷش تٷرلٸ ۆاكتسينا سالىنىپ جاتىر. ولار – رەسەيدە ەزٸرلەنٸپ, قازاقستاندا ٶندٸرٸلٸپ جاتقان "سپۋتنيك V", قازاقستاننىڭ ٶزٸ ەزٸرلەگەن QazVac جەنە قىتايدىڭ Sinopharm كومپانيياسى ەزٸرلەپ, بٸرٸككەن اراب ەمٸرلٸكتەرٸندە شىعارىلعان ناۋat Vax ەكپەسٸ.
امەريكاداعى دجونس حوپكينس ۋنيۆەرسيتەتٸنٸڭ سوڭعى دەرەگٸ بويىنشا, ەلەمدە كوروناۆيرۋس دەرتٸن جۇقتىرعاندار سانى 156 ميلليونعا جەتكەن, بۇل اۋرۋدان 3,2 ميلليون كٸسٸ كٶز جۇمعان.
