دٷنيەجٷزٸلٸك دەنساۋلىق ساقتاۋ ۇيىمى كوروناۆيرۋستان ٶلٸم-جٸتٸمدٸ ازايتۋدا جاقسى نەتيجە كٶرسەتكەن دەكسامەتازون پرەپاراتىنىڭ ٶندٸرٸسٸن ارتتىرۋعا شاقىردى. "ۇلت اقپارات" بۇل تۋرالى bbc.com سايتىنا سٸلتەمە جاساپ حابارلايدى.
ددۇ باسشىسى تەدروس ادحانوم گەبرەيەسۋستٸڭ ايتۋىنشا, دەكسامەتازونعا سۇرانىس وكسفورد ۋنيۆەرسيتەتٸنٸڭ عالىمدارى پرەپاراتقا جٷرگٸزٸلگەن زەرتتەۋ نەتيجەلەرٸن جارييالاعاننان كەيٸن بٸردەن ارتقان. كلينيكالىق سىناق كەزٸندە ستاتسيونارداعى 2 مىڭعا جۋىق ناۋقاس اتالمىش پرەپاراتتى قابىلداعان. انىقتالعانداي, ٶكپەنٸ جەلدەتۋ اپپاراتىنا قوسىلعان ناۋقاستار اراسىندا ٶلٸم جاعدايلارى - 40-تان 28 پايىزعا دەيٸن, ال ەكستراكورپورالدىق مەمبراندى وكسيگەناتسيياداعى (ەكمو) ناۋقاستاردىڭ اراسىندا 25-تەن 20 پايىزعا ازايعان.
«بٸز ٷشٸن كەلەسٸ سىناق – دەكسامەتازون ٶندٸرٸسٸن ۇلعايتۋ, سونداي-اق ونى ەلەم بويىنشا جىلدام ەرٸ ەدٸل تاراتۋ بولىپ وتىر. بۇل رەتتە, قاجەتتٸلٸك جوعارى ەلدەرگە باسىمدىق بەرٸلەدٸ», - دەدٸ ددۇ باسشىسى.
مەلٸم ەتٸلگەندەي, دەكسامەتازون مەديتسينادا 60 جىلدان بەرٸ قولدانىلىپ كەلەدٸ. ونىڭ قابىنۋعا قارسى ەسەرٸ جوعارى. ددۇ پرەپاراتتى تەك اۋىر جاعدايداعى ناۋقاستارعا جەنە دەرٸگەرلەردٸڭ باقىلاۋىمەن عانا بەرۋگە بولاتىنىن ەسكەرتەدٸ.
لاتىن امەريكاداعى ٶلٸم جاعدايلارى
دجونس حوپكينس ۋنيۆەرسيتەتٸنٸڭ دەرەكتەرٸنە سەيكەس, لاتىن امەريكا جەنە كاريب باسسەينٸنٸڭ ەلدەرٸندە كوروناۆيرۋستان قايتىس بولعاندار سانى 100 مىڭنان اسىپ جىعىلدى.
ٶلٸم جاعدايلارىنىڭ جارتىسىنان استامى برازيلييادا تٸركەلدٸ. بۇل ەل ٸندەتتٸ جۇقتىرۋ جەنە ودان بولعان ٶلٸم وقيعالارى بويىنشا اقش-تان كەيٸن ەكٸنشٸ ورىندا تۇر. مەكسيكادا 23 مىڭنان استام ادام كٶز جۇمدى. برازيلييا جەنە مەكسيكا كٶرشٸ ەلدەرٸ سيياقتى قاتاڭ كارانتيندٸك شارالاردى ەنگٸزبەگەن بولاتىن.
ٶلٸم-جٸتٸم جاعدايلارى, سونداي-اق پەرۋ جەنە چيليدە كٶپ – سەيكەسٸنشە 8,4 مىڭ جەنە 4,5 مىڭ ادام.
ساراپشىلاردىڭ پايىمىنشا, كەيبٸر ەلدەر پاندەمييانىڭ شارىقتاۋ شەگٸنەن ەلٸ ٶتكەن جوق.
دەليدە جاڭا جاعدايلار ارتۋدا
ٷندٸستان استاناسى دەليدە بٸر تەۋلٸكتە 4 مىڭعا جۋىق ادامنان كوروناۆيرۋس انىقتالدى. بۇل, پاندەمييا باستالعان ۋاقىتتان بەرگٸ ەڭ جوعارى كٶرسەتكٸش. دەليدە بارلىعى 66 مىڭعا تارتا ادام ٸندەتكە شالدىققان. سىرقاتتانۋ ٶسٸمٸ كٷن ساناپ ارتىپ كەلەدٸ. بيلٸك ٶكٸلدەرٸ ادامداردىڭ جٷرٸپ-تۇرۋىن جەنە بايلانىستا بولعانداردى انىقتاۋدى جٸتٸ باقىلاۋعا الاتىنىنا ۋەدە ەتۋدە. جۋىردا ٷندٸستان كارانتين شارالارىن جەڭٸلدەتكەن بولاتىن. الايدا, ۆيرۋستىڭ تارالۋ قارقىنى باسىلار ەمەس. جالپى ەلدە كوروناۆيرۋس 440 مىڭنان استام ادامنان انىقتالدى. قايتىس بولدى – 14,4 مىڭ ناۋقاس.
ەۋروپالىق وداق جەنە مالديۆ ەلٸ تۋريستەردٸ قابىلداۋعا دايىن. نيۋ-يورك سۋعا شومىلۋعا رۇقسات بەرمەك
مالديۆ پرەزيدەنتٸ يبراگيم سوليح ٶز ەلٸ تۋريستەردٸ 15 شٸلدەدەن باستاپ قابىلدايتىنىن مەلٸمدەدٸ. بۇل رەتتە, شەتەلدٸك قوناقتارعا كوروناۆيرۋسقا تەست نەتيجەسٸن كٶرسەتۋدٸڭ قاجەتٸ جوق. مالديۆ ٷشٸن تۋريزم تابىستىڭ نەگٸزگٸ كٶزٸ بولىپ تابىلادى. پاندەمييا سالدارىنان ناۋرىز ايىنان بەرٸ حالىقارالىق قاتىناس توقتاعان بولاتىن. وسى ۋاقىتقا دەيٸن كوروناۆيرۋس 2200 ادامنان انىقتالدى.
ەۋرووداق شەكارانى 1 شٸلدەدەن باستاپ اشۋدى جوسپارلاپ وتىر. الايدا, كوروناۆيرۋس بويىنشا احۋال كٷردەلٸ ەلدەرمەن شەكارا جابىق كٷيٸندە قالادى. اتاپ ايتقاندا, اقش پەن رەسەيدەن كەلەتٸن تۋريستەردٸ ەزٸرگە كٸرگٸزبەۋ ۇسىنىلىپ وتىر. ەو ەلدەرٸ قانداي مەملەكەتتەردٸ قاۋٸپسٸز ساناۋعا بولاتىنىن انىقتايتىن كريتەرييلەردٸ ەزٸرلەۋٸ قاجەت.
نيۋ-يوركتە 1 شٸلدەدەن جاعاجايدا سۋعا شومىلۋعا رۇقسات بەرٸلمەك. بۇل تۋرالى قالا مەرٸ بيلل دە بلازيو مەلٸم ەتكەن. «ساقتىقتى ۇمىتپايىق, جاعاجايدا دا ەلەۋمەتتٸك قاشىقتىقتى ۇستانىپ, ماسكا تاعايىق», - دەپ جازدى ول Twitter-دە. قالادا جاعاجايلار 25 مامىردان باستاپ اشىلعانىمەن, شومىلۋعا تىيىم سالىنعان.
