باتىس قازاقستان وبلىسىندا 1092 ادام ٷيدەن باقىلانۋدا, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, سونداي-اق 100 ادام ستاتسيونارلىق كارانتيندە جاتىر.
سونىڭ ٸشٸندە وبلىستىق جۇقپالى اۋرۋلار اۋرۋحاناسىندا ەم الىپ جاتقان ەكٸ ناۋقاستىڭ جاعدايى قاناعاتتانارلىق.
«كۋمىسكا» پروۆيزورلىق گوسپيتالىندا 57, بەيتەرەك اۋدانىندا 13 جەنە «يۆۋشكا» كارانتيندٸك ستاتسيونارىندا 28 ادام بار. بەرٸنٸڭ دە جاعدايى قاناعاتتانارلىق. كٷن سايىن مەديتسينالىق باقىلاۋ جٷرگٸزٸلۋدە.
«قازٸر وبلىس ورتالىعىندا ەمدەلٸپ جاتقان ناۋقاس ەيەلدٸڭ 24 ناۋرىز كٷنٸ ورالدان اقسايعا Ford Transit اۆتوكٶلٸگٸمەن بارعاندىعى بەلگٸلٸ بولدى. ونىمەن بٸرگە بولعان جٷرگٸزۋشٸ مەن ٷش جولاۋشى انىقتالدى. قالعاندارى ٸزدەستٸرٸلۋ ٷستٸندە», دەدٸ نۇرلىبەك مۇستاەۆ.
بقو تج دەپارتامەنتٸ باستىعىنىڭ ورىنباسارى اقىلبەك احمەتجانوۆتىڭ سٶزٸنە قاراعاندا, قازٸرگٸ تاڭدا الاڭدار مەن كٶشەلەردٸ, بيلبورد, اۆتوبۋس ايالدامالارىن دەزينفەكتسييالاۋ جۇمىستارى جٷرگٸزٸلۋدە. بۇعان دەپارتامەنتتەن 132 ادام, 36 تەحنيكا جۇمىلدىرىلعان. ولار سۋ ٶتكٸزبەيتٸن كومبينەزوندارمەن, اسپالى ٶرت سٶندٸرۋ قۇرالدارىمەن قامتاماسىز ەتٸلگەن.
«30 ناۋرىز كٷنٸ سامارادان 57 ستۋدەنت كەلگەن بولاتىن. ولاردىڭ قايدا ەكەندٸگٸن ٷنەمٸ باقىلاپ تۇرۋ ٷشٸن تەلەفوندارىنا موبيلدٸك قوسىمشا ورناتىلدى», دەدٸ ا.احمەتجانوۆ.
ن.مۇستاەۆ ستۋدەنتتەردٸڭ بٸر كٷن كارانتيندٸك باقىلاۋدا بولعاننان كەيٸن ٷيلەرٸنە جٸبەرٸلگەنٸن جەتكٸزدٸ.
ەسكە سالا كەتەيٸك, بۇدان بۇرىن ورالدا كوروناۆيرۋسپەن كٷرەس شارالارىنا 94 ملن تەڭگە بٶلٸنگەنٸن جازعان بولاتىنبىز.
