«قىزىل» ايماقتاعى اتىراۋ وبلىسىنىڭ تەڭٸز كەنٸشٸندە بٸر تەۋلٸكتە كوروناۆيرۋس جۇقتىرعان ناۋقاستار 81 ادامعا كٶبەيدٸ, – دەپ حابارلايدى وبلىستىق دەنساۋلىق ساقتاۋ باسقارماسى باسپاسٶز قىزمەتٸ.
ٶتكەن تەۋلٸكتە كوروناۆيرۋس ينفەكتسيياسىنا 101 ادام شالدىققان. ونىڭ ٸشٸندە تەڭٸز كەنٸشٸنٸڭ 81 جۇمىسشىسى بار. اتىراۋ قالاسىندا 13 ناۋقاس تٸركەلٸپ وتىر.
سونداي-اق, جىلىوي اۋدانىندا 4, قۇرمانعازىدا – 2, يساتاي اۋدانىندا 1 ادام سovid-19 جۇقتىرعان. قاۋٸپتٸ ۆيرۋستىڭ سيمپتومدى تٷرٸ 17 ناۋقاستان انىقتالعان.
«ٶتكەن تەۋلٸكتە كوروناۆيرۋس ينفەكتسيياسىنان 58 ادام ەمدەلٸپ شىقتى. قازٸر 320 ادام ٷي جاعدايىندا ەمدەلۋدە. وبلىستىق ينفەكتسييالىق ستاتسيوناردا 90, اۋداندارداعى ستاتسيونارلاردا 38, تەڭٸز كەنٸشٸندەگٸ ستاتسيوناردا 840 ادام ەم قابىلداپ جاتىر» دەپ حابارلادى باسقارمانىڭ باسپاسٶز قىزمەتٸ.
ەسكە سالا كەتەلٸك, بۇعان دەيٸن اتىراۋ وبلىسىندا 111 ادام كوروناۆيرۋسقا شالدىققان ەدٸ.
