سولتٷستٸك قازاقستان وبلىسىندا كوروناۆيرۋس ينفەكتسيياسىن جۇقتىرۋ دەڭگەيٸ تۇراقتالدى, ماماندار مۇنى دەر كەزٸندە قولعا الىنعان ٸس-شارالارمەن بايلانىستىرادى, دەپ حابارلايدى قازاقپارات.
سقو-نىڭ باس سانيتارييالىق دەرٸگەرٸ ارمان كٷشباسوۆتىڭ پٸكٸرٸنشە, وبلىس ورتالىعىن كارانتينگە جابۋ ٶز نەتيجەسٸن بەرٸپ جاتىر. سوڭعى كٷندەرمەن سالىستىرعاندا كوروناۆيرۋس بويىنشا جاعداي تۇراقتانىپ قانا قويماي, 5,7% تٶمەندەتۋ مٷمكٸن بولعان.
«اۋىرعانداردىڭ باسىم بٶلٸگٸ – پەتروپاۆلدان. وسىعان وراي 9 قاراشادان باستاپ وبلىس ورتالىعى مەن وعان شەكارالاس جاتقان قىزىلجار اۋدانىن بلوك-پوستتار قويىپ, كارانتينگە جاپتىق. سەنبٸ-جەكسەنبٸ جەنە مەرەكە كٷندەرٸنە لوكداۋن رەجيمٸ ەنگٸزٸلگەن. بۇدان باسقا كەي نىسانداردىڭ جۇمىسىن شەكتەدٸك. بۇل – ٶز نەتيجەسٸن بەردٸ. وسىعان دەيٸن وبلىستاعى بارلىق اۋىرعانداردىڭ جارتىسىنان استامى پەتروپاۆلدا انىقتالسا, قازٸر ونى 40% دەيٸن تٶمەندەتتٸك», - دەيدٸ ارمان كٷشباسوۆ.
ماماننىڭ ايتۋىنشا, كۆي-مەن اۋىرعان 1 ادامنىڭ ٶزگەلەردٸ جۇقتىرۋ دەڭگەيٸ 20% تٶمەندەگەن.
«كوروناۆيرۋسپەن اۋىرعان بٸر سىرقات ورتاشا 3-4 ادامعا جۇقتىرادى. قازان ايىندا اۋىرعاندارمەن بايلانىستا بولىپ, كۆي انىقتالعانداردىڭ ٷلەسٸ 13% قۇراسا, تەك سوڭعى اپتادا بۇل كٶرسەتكٸش 50% قۇرادى. ولاردا نەگٸزٸنەن اۋرۋدىڭ بەلگٸلەرٸ جوق», - دەيدٸ وبلىستىڭ باس سانيتارييالىق دەرٸگەرٸ.
ارمان كٷشباسوۆتىڭ ايتۋىنشا, پەتروپاۆلدا ەزٸرگە, كارانتيندٸك شەكتەۋلەر جەڭٸلدەتٸلمەيدٸ. ياعني سەنبٸ-جەكسەنبٸ جەنە مەرەكە كٷندەرٸ قوعامدىق كٶلٸكتەر بۇرىنعىسىنشا جۇمىس ٸستەمەيدٸ.
