ەلورادا جانساقتاۋ بٶلٸمٸندە كوروناۆيرۋسپەن 73 ناۋقاس جاتىر. بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ەلييا رٷستەموۆا ايتتى, دەپ حابارلايدى قازاقپارات.
«20 مامىرعا دەيٸن كٷنٸنە ورتا ەسەپپەن شامامەن 360 جاڭا جاعداي تٸركەلگەن بولسا, مامىردىڭ ەكٸنشٸ جارتىسىنان باستاپ 200-گە جۋىق دەرەك تٸركەلدٸ. ماۋسىمنىڭ 9 كٷنٸنٸڭ ٸشٸندە كوروناۆيرۋس ينفەكتسيياسىنىڭ 1 721 جاڭا جاعدايى انىقتالدى.
جۇقپالى اۋرۋلار اۋرۋحانالارىندا ەمدەلۋشٸلەر سانى دا ازايدى. قازٸر اۋرۋحانالاردىڭ جٷكتەمەسٸ مامىردىڭ باسىنداعى 63 پايىزدان 37 پايىزعا دەيٸن تٶمەندەدٸ. بۇعان حالىقتى ۆاكتسينالاۋ ماڭىزدى رٶل اتقاردى دەپ سانايمىز», - دەدٸ ول.
ونىڭ اتاپ ٶتۋٸنشە, پاتسيەنتتەر سانىنىڭ تٶمەندەۋٸنە بايلانىستى سوڭعى بٸر اپتادا جالپى سانى 240 تٶسەك-ورىندى قۇراعان 3 ينفەكتسييالىق اۋرۋحانا جابىلىپ, بٸر جۇقپالى اۋرۋلار اۋرۋحاناسىنداعى كەرەۋەتتەر 130 تٶسەك-ورىنعا قىسقاردى.
«الايدا, اۋرۋحانالارعا اۋىر جەنە ٶتە اۋىر جاعدايدا تٷسەتٸن ناۋقاستاردىڭ سانى ازايماي وتىرعانىن اتاپ ٶتكٸم كەلەدٸ. مەسەلەن, بٷگٸندە جانساقتاۋ بٶلٸمٸندە 73 ناۋقاس جاتىر, ونىڭ 19-ى ٶكپەنٸ جەلدەتۋ اپپاراتىنا قوسىلعان. ولاردىڭ 70 پايىزى 60 جاستان اسقان ادامدار, ورتا جاستاعى ادامدار دا جاتىر. ونىڭ ٷستٸنە بارلىعىندا اۋرۋدىڭ اعىمىن قيىنداتاتىن جاناما اۋرۋلار بار. بۇعان قوسا, ناۋقاستاردىڭ 80 پايىزى ٷيدە ٶزٸن-ٶزٸ ەمدەپ, دەرٸگەرلەرگە قارالماعان, كەسٸبي مەديتسينالىق كٶمەككە جٷگٸنبەگەن», - دەدٸ ەلييا رٷستەموۆا.
