قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ كوروناۆيرۋس ينفەكتسيياسى انىقتالعان سوڭعى ەكٸ ادام تۋرالى ايتىپ بەردٸ, دەپ حابارلايدى "ۇلت اقپارات".
«ولاردىڭ بٸرٸ 1976 جىلى تۋعان شەتەلدٸك, ول بٷگٸن تٷندە لوندون قالاسىنان ۇشىپ كەلگەن. ەكٸنشٸسٸ - قازاقستان ازاماتى, ول 1970 جىلى تۋعان. ەكەۋٸ دە ستاتسيوناردا جاتىر, دەنساۋلىقتارى قاناعاتتانارلىق», - دەدٸ دياس احمەتشەرٸپ «حابار 24» تەلەارناسىنداعى جاڭالىقتاردا.
وسى ۋاقىتقا دەيٸن قازاقستان رەسپۋبليكاسى اۋماعىندا كوروناۆيرۋس ينفەكتسيياسىن جۇقتىرعان جالپى 56 ناۋقاس تٸركەلدٸ. نۇرسۇلتان قالاسىندا 31 ادامدا كورونوۆيرۋس ينفەكتسيياسى انىقتالدى. الماتى قالاسىندا - 22 ادام, قاراعاندى قالاسىندا - 2, الماتى وبلىسىندا 1 ادام ينفەكتسييا جۇقتىرعان.
