قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ كوروناۆيرۋس جۇقتىرعان 576 ادامنىڭ قانداي ٸلەسپە اۋرۋلاردان قايتىس بولعانىن مەلٸم ەتتٸ, دەپ حابارلايدى "ۇلت اقپارات".
«ەلٸمٸزدە 576 ادام كوروناۆيرۋس ينفەكتسيياسىنا شالدىعىپ, ٸلەسپە دياگنوزدان قايتىس بولعان. كۆي ناۋقاستارىندا ەڭ جيٸ كەزدەسەتٸن ٸلەسپە پاتولوگييا – تىنىس الۋ ورگاندارىنىڭ اۋرۋلارى, ياعني 52,4 پايىز. قان اينالىمى جٷيەسٸ اۋرۋلارىنان 29 پايىز, ٸسٸكتەردەن – 4 پايىز ادام قايتىس بولعان جەنە قالعان 14,6 پايىزى باسقا پاتولوگييالاردان كٶز جۇمدى», - دەدٸ باعدات قوجاحمەتوۆ ورتالىق كوممۋنيكاتسييالار قىزمەتٸندە ٶتكەن بريفينگتە.
ايتا كەتەيٸك, 11 قىركٷيەكتەگٸ مەلٸمەت بويىنشا ەلٸمٸزدە COVID-19-عا شالدىققانداردىڭ جالپى سانى 106 661-گە جەتتٸ. ونىڭ ٸشٸندە جازىلىپ شىعۋ كٶرسەتكٸشٸ 94,1 پايىزدى قۇرادى نەمەسە 100 409 ادامعا جەتتٸ.
