2 اقپاندا قازاقستان اۋماعىنا گەرمانييا, كورەي, مالديۆ, ساۋد ارابيياسى, باە, مىسىر, تٷركييا, رەسەي, قىرعىزستان جەنە ٶزبەكستان ەلدەرٸنەن 14 حالىقارالىق ەۋە رەيسٸ ۇشىپ كەلدٸ, دەپ حابارلايدى قر دەنساۋلىق ساقتاۋ مينيسترلٸگٸ سانيتارييالىق-ەپيدەميولوگييالىق باقىلاۋ كوميتەتٸ.
كەشە ەلٸمٸزگە شەتەلدەن بارلىعى 1816 جولاۋشى ۇشىپ كەلگەن. ولاردىڭ 1625-ٸندە كوروناۆيرۋسقا پتر-تەستٸلەۋدٸڭ تەرٸس نەتيجەسٸ بار انىقتاما بولعان. 191 ادامدا پتر-انىقتاما بولعان جوق, بارلىعى دا – قر ازاماتتارى.
اتاپ ايتقاندا:
- الماتى قالاسىنىڭ ەۋەجايىنا – بارلىعى 8 رەيس قوندى, 1 489 جولاۋشى, انىقتامامەن - 1 300, انىقتاماسىز - 189;
- نۇر-سۇلتان قالاسىنىڭ ەۋەجايىنا – 5 رەيس, 322 جولاۋشى, انىقتامامەن - 320; انىقتاماسىز - 2;
- پاۆلودار قالاسىنىڭ ەۋەجايىنا – 1 رەيس, بارلىق 5 جولاۋشى انىقتامامەن كەلگەن.
«انىقتاماسى بولماعان قازاقستاننىڭ 191 ازاماتى كەلگەن جەرلەرٸ بويىنشا COVID-19-عا پتر-تالداۋ ەدٸسٸمەن تەستٸلەندٸ جەنە كارانتيندٸك ستاتسيونارلاردا ٶز نەتيجەلەرٸن كٷتۋدە», - دەلٸنگەن اقپاراتتا.
سونداي-اق مەلٸم ەتٸلگەندەي, 1 اقپان كٷنٸ انىقتاماسىز ۇشىپ كەلگەن قر-دىڭ 133 ازاماتىنىڭ پتر-تالداۋ نەتيجەلەرٸ دايىن بولعان – ەشبٸر جولاۋشىدان كوروناۆيرۋس ينفەكتسيياسى انىقتالعان جوق.
