قازاق ەدەبيەتٸ مەن رۋحانيياتى تاعى بٸر اۋىر قايعىعا دۋشار بولدى. 77 جاسقا قاراعان شاعىندا كٶرنەكتٸ اقىن, قابىرعالى قالامگەر, حالىقارالىق "الاش" ەدەبي سىيلىعىنىڭ لاۋرەاتى جەركەن بٶدەشۇلى دٷنيەدەن وزدى.
بۇل تۋرالى اقىن, قازاقستان جازۋشىلار وداعى باسقارما تٶراعاسىنىڭ بٸرٸنشٸ ورىنباسارى اقبەرەن ەلگەزەك ٶزٸنٸڭ Facebook پاراقشاسىندا حابارلادى.
"قازاق ەدەبيەتٸ مەن رۋحانيياتى تاعى دا قارا جامىلدى. سۇم اجال ارامىزدان عالامات ويشىل-اقىن, پەرٸشتەدەي اق كٶڭٸل ادام جەركەن بٶدەشۇلىن الىپ كەتتٸ.
بارشا قازاققا قايعىرا كٶڭٸل ايتامىن. جەركەن اعامىزدىڭ رۋحى بەيٸشتٸڭ تٶرٸندە شالقىسىن. اللا الدىنان جارىلقاسىن.
P.S. جەركەن بٶدەشۇلىمەن قوشتاسۋ جيىنى ەرتەڭ 23 سەۋٸر كٷنٸ, ساع. 10:00-دە الماتى قالاسى, قۇلاگەر ىقشام اۋدانىندا, ٶزٸ تۇرعان ٷيٸنٸڭ الدىندا ٶتەدٸ.بارشاڭىزدى قالىپتاسىپ وتىرعان ەپيدەمييالوگييالىق جاعدايعا بايلانىستى قاۋٸپسٸزدٸك شارالارىن قاتاڭ ساقتاۋعا شاقىرامىن" - دەپ جازدى ول.
جەركەن بٶدەشۇلى 1944 جىلى 15 مامىردا قىتاي حالىق رەسپۋبليكاسىنىڭ تارباعاتاي ايماعى تولى اۋدانىندا جايىر تاۋىندا تۋعان. ازان شاقىرىپ قويعان اتى – جارمۇحاممەد.
قازمۋ-دىڭ جۋرناليستيكا فاكۋلتەتٸن بٸتٸرگەن.
ەر جىلدارى باسىلىمداردا جەنە كٸتاپ پالاتاسىندا جاۋاپتى قىزمەتتەر اتقارعان. دٷنيەجٷزٸ قازاقتارى قاۋىمداستىعىندا بٶلٸم مەڭگەرۋشٸسٸ بولعان.
اقىننىڭ "كٶكشە قۇراق", "قوس قانات", "زەيٸن", "اسپان داۋسى", "نۇرلى بوياۋلار", "جۇلدىزعا ورنىن اي بەرمەس", "ەمەندەر تٷندە بٷرلەيدٸ" اتتى ٶلەڭدەر مەن پوەمالار جيناعى جارىق كٶرگەن.
وسى ورايدا, ۇلت پورتالىنىڭ ۇجىمى قازاق جۇرتىنا قادٸرلٸ بولعان كٶرنەكتٸ قالامگەردٸڭ مەزگٸلسٸز دٷنيەدەن وزۋىنا بايلانىستى ونىڭ وتباسى مەن تۋعان-تۋىستارىنا قايعىرىپ كٶڭٸل ايتادى.
مارقۇمنىڭ جاتقان جەرٸ جايلى, توپىراعى تورقا بولسىن. پەيٸشتە نۇرى شالقىپ, جاراتقان ارتىنداعى ۇرپاعىنا ۇزاق عۇمىر بەرسٸن!
