الماتى وبلىسىنىڭ پانفيلوۆ اۋدانىندا ادام ٶلتٸرۋ وقيعاسى بولدى. بۇل تۋرالى مەلٸمەتتٸ ٶڭٸرلٸك ٸٸد كەزەكشٸ بٶلٸمٸنٸڭ ٶكٸلدەرٸ راستادى, - دەپ حابارلايدى kaz.tengrinews.kz.
"بٸزگە بەلگٸلٸ مەلٸمەت بويىنشا, 2017 جىلدىڭ 4 ماۋسىمىندا ساعات 15.40-تا "قورعاس" شىحو تەرريتوريياسىندا شەكارا جەنە كەدەن ٶتكٸزۋ ۋچاسكەسٸندە سۋىق قارۋ قولدانىلعان قاقتىعىس بولدى. ەكٸ ساۋداگەر جانجالداسقان. ولار قازاقستان ازاماتتارى - كەرٸبجانوۆ دياس ەرنارۇلى (1995 جىلعى, كٶكتال اۋىلىندا تۇرادى) جەنە تٶلەگەنوۆ قۋانىش بەرٸكۇلى (1992 جىلعى, ەۋليەاعاش اۋىلىندا تۇرادى). وقيعا سالدارىنان تٶلەگەنوۆ العان جاراقاتىنان اۋرۋحاناعا بارار جولدا قازا تاپتى. الدىن الا مەلٸمەت بويىنشا, قاقتىعىستى تٶلەگەنوۆ باستاعان", - دەلٸنگەن پوليتسييانىڭ حابارلاماسىندا.
ٶڭٸرلٸك ٸٸد باسپاسٶز قىزمەتٸنٸڭ ٶكٸلدەرٸ "ادام ٶلتٸرۋ" بابى بويىنشا سوتالدى تەرگەۋدٸڭ باستالعانىن حابارلادى. كٷدٸكتٸ ۇستالىپ, يزولياتورعا قامالعان.
