قورعانىس مينيسترٸ گەنەرال-لەيتەنانت مۇرات بەكتانوۆ اپپاراتتىق كەڭەس ٶتكٸزدٸ, وندا ەسكەردٸڭ تىنىس-تٸرشٸلٸگٸنە قاتىستى ٶزەكتٸ مەسەلەلەر تالقىلاندى, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
وق-دەرٸ قويمالارىن تەكسەرۋ بارىسى تۋرالى قورعانىس مينيسترلٸگٸ باس ينسپەكتسيياسى باستىعىنىڭ بايانداماسى قارالدى. ينسپەكتسييالاۋدىڭ ارالىق نەتيجەسٸ بويىنشا قازٸرگٸ ۋاقىتتا شەشٸلمەگەن نەگٸزگٸ مەسەلە تٷگەندەۋ نەتيجەسٸندە ەسكەري مٷلٸك رەتٸندە پايدالانىلمايدى دەپ تانىلعان وق-دەرٸلەردٸ كەدەگە جاراتۋ بولىپ تابىلادى.
زاڭ جٷزٸندە وق-دەرٸلەردٸ كەدەگە جاراتۋ جٶنٸندەگٸ جۇمىستى ۋەكٸلەتتٸ ورگان – يندۋسترييا جەنە ينفراقۇرىلىمدىق دامۋ مينيسترلٸگٸ جٷرگٸزەدٸ. بۇل رەتتە وعان ۆەدومستۆولىق باعىنىستى ۇيىمداردىڭ وق-دەرٸلەردٸ جويۋ بويىنشا مٷمكٸندٸگٸ شەكتەۋلٸ. وسىعان بايلانىستى قورعانىس مينيسترلٸگٸ پايدالانىلمايتىن ەسكەري مٷلٸكتٸ قويمالار مەن بازالاردا جىلدار بويى ساقتاۋعا مەجبٷر بولادى.
وق-دەرٸلەردٸ ساقتاۋ قاۋٸپسٸزدٸگٸن قامتاماسىز ەتۋ ماقساتىندا قورعانىس ۆەدومستۆوسى 2021 جىلعى 30 قىركٷيەكتە ٷكٸمەت قابىلداعان № 964 قاۋلىنى ەزٸرلەدٸ. وعان سەيكەس يندۋسترييا جەنە ينفراقۇرىلىمدىق دامۋ مينيسترلٸگٸ قورعانىس مينيسترلٸگٸمەن بٸرلەسٸپ, ساپەرلەردٸڭ كٷشٸمەن پايدالانىلمايتىن وق-دەرٸلەردٸ قويمالاردان ەسكەري پوليگوندارعا شىعارۋ جۇمىسىن ۇيىمداستىرىپ, جوياتىن بولادى. تٸكەلەي ٸس-قيمىل تەرتٸبٸن ەكٸ مينيسترلٸكتٸڭ بٸرلەسكەن بۇيرىعى ايقىندايدى.
ودان بٶلەك قىسقا دايىندىق مەسەلەسٸ قارالدى. لاۋازىمدى ادامداردىڭ بايانداماسى بويىنشا تۇرعىن ٷي-كوممۋنالدىق شارۋاشىلىق ەسكەري وبەكتٸلەرٸنٸڭ قىسقا دايىندىعى 96,5%-تٸ قۇرايدى. اۋا رايى جاعدايىنا سەيكەس جىلىتۋ ەلدٸڭ سولتٷستٸك, ورتالىق جەنە شىعىس ٶڭٸرلەرٸندەگٸ ەسكەري قالاشىقتاردا ٸسكە قوسىلدى. قازاندىقتار قاجەتتٸ وتىن قورىمەن قامتاماسىز ەتٸلگەن. ودان باسقا, قورعانىس مينيسترلٸگٸ العاش رەت جىلىتۋ ماۋسىمىندا قىزمەت كٶرسەتەتٸن پەرسونالدى ماتەريالدىق ىنتالاندىرۋدى كٶزدەپ وتىر.
قورعانىس مينيسترٸ 4 قازاننان باستاپ ەسكەرلەردە باستالعان قورىتىندى تەكسەرۋدٸ ساپالى ۇيىمداستىرۋعا باس قولباسشىلار مەن قولباسشىلاردىڭ نازارىن اۋداردى. بارلىق ەسكەري قىزمەتشٸلەر 3 اپتا بويى وقىتۋ پەندەرٸ بويىنشا سىناق تاپسىرىپ, ٶزدەرٸنٸڭ كەسٸبي بٸلٸكتٸلٸگٸن راستاۋعا تيٸس. مينيستر بۇل وقۋ جىلىنداعى جاۋىنگەرلٸك دايارلىقتى باعالاۋدىڭ نەگٸزگٸ قۇرامداس بٶلٸگٸ بولاتىنىن اتاپ ٶتتٸ. ەسكەري بٶلٸمدەردٸڭ جاۋىنگەرلٸك ەزٸرلٸگٸ, ديۆەرسيياعا قارسى جەنە ٶرتكە قارسى قاۋٸپسٸزدٸگٸنٸڭ جاي-كٷيٸ دە تەكسەرٸلەدٸ.
ودان باسقا, قورعانىس ۆەدومستۆوسىنىڭ باسشىسى ولارعا سەنٸپ تاپسىرىلعان قۇرامالارداعى, بٶلٸمدەردەگٸ, بٶلٸمشەلەردەگٸ ەسكەري تەرتٸپتٸڭ جاي-كٷيٸ بويىنشا بارلىق دەرەجەدەگٸ كومانديرلەردٸڭ جۇمىسىن باعالاۋعا نۇسقاۋ بەردٸ.
– باعىنىسىنداعىلار اراسىندا قۇقىق تەرتٸبٸن ساقتاۋدا جٷيەلٸ كەمشٸلٸك بولعان جاعدايدا, ەربٸر لاۋازىمدى ادامعا تەرتٸپتٸك سيپاتتاعى شارالار, تٸپتٸ لاۋازىمىن تٶمەندەتۋگە جەنە قارۋلى كٷشتەر قاتارىنان شىعارۋعا دەيٸنگٸ شارالار قابىلدانۋعا تيٸس - دەدٸ قورعانىس مينيسترٸ.
گەنەرال-لەيتەنانت مۇرات بەكتانوۆ الداعى اپتادا جەرگٸلٸكتٸ ەسكەري باسقارۋ ورگاندارىنان ەسكەرلەرگە كەلە باستايتىن جاس بۋىندى قابىلداۋ جٶنٸندەگٸ الداعى ٸس-شارالاردىڭ ماڭىزدىلىعىن اتاپ ٶتتٸ. قولباسشىلارعا جەرگٸلٸكتٸ جەرلەردەگٸ كازارمالىق-تۇرعىن ٷي قورى مەن وقۋ-ماتەريالدىق بازانىڭ دايىندىعىن, جاڭا بۋىندى جيناۋ ەكٸمشٸلٸگٸنٸڭ كەشەگٸ ەسكەرگە شاقىرىلۋشىلاردى ەسكەري قىزمەتكە بەيٸمدەۋ جٶنٸندەگٸ جٷكتەلگەن مٸندەتتەرگە سەيكەستٸگٸن جەكە تەكسەرۋ تاپسىرىلدى.
