قر قورعانىس مينيسترٸ نۇرلان ەرمەكباەۆ بٸرنەشە ەسكەري قىزمەت تٷرلەرٸنٸڭ ماماندارىن تٶل مەرەكەلەرٸمەن قۇتتىقتادى. اتاپ ايتقاندا, شٸلدە ايىنىڭ العاشقى كٷندەرٸ رادياتسييالىق, حيمييالىق جەنە بيولوگييالىق قورعاۋ ەسكەرلەرٸ, قازاقستاننىڭ ەسكەري-ەۋە كٷشتەرٸ قۇرىلعان كٷنٸ مەن دەسانتتىق-شابۋىلداۋ ەسكەرلەرٸنٸڭ تٶل مەرەكەلەرٸ اتالىپ ٶتتٸ, - دەپ حابارلايدى «ۇلت اقپارات».
ەر ەسكەري بٶلٸمنٸڭ ٶز مٸندەتتەرٸ مەن ەرەكشەلٸكتەرٸ بار ەكەنٸ داۋسىز. مەسەلەن, رادياتسييالىق, حيمييالىق جەنە بيولوگييالىق قورعاۋ ەسكەرلەرٸنٸڭ نەگٸزگٸ ماقساتى – جاپپاي قىرىپ-جوياتىن قارۋدان قورعاy جەنە ونى قولدانۋ سالدارىن جويۋ بولىپ تابىلادى. بۇل سالانىڭ ەسكەري قىزمەتشٸلەرٸ بەيبٸت ۋاقىتتا سونىمەن قاتار سوعىس ۋاقىتىندا مٸندەتتەردٸ شەشۋگە قابٸلەتتٸ ەمبەباپ ماماندار ەكەنٸن بەيبٸت كٷننٸڭ شۋاعىندا بٸلٸپ, بايقاپ وتىرمىز.
ٶزدەرٸڭٸز بٸلەتٸندەي, بۇل ەسكەري ماماندار ميلليونداعان ادامنىڭ ٶمٸرٸ مەن دەنساۋلىعىن قورعايدى. ولار قاۋٸپتٸ ٶنەركەسٸپ كەسٸپورىندارىندا بولعان اۆارييا مەن اپات سالدارىن جويۋ مٸندەتتەرٸن ورىنداۋعا ەرقاشان دايىن.
وسى ورايدا قورعانىس مينيسترٸ رادياتسييالىق, حيمييالىق جەنە بيولوگييالىق قورعاۋ ەسكەرلەرٸنٸڭ كٷنٸمەن قۇتتىقتاپ, بەيبٸت ۋاقىتپەن قاتار سوعىس ۋاقىتىندا دا قويىلعان مٸندەتتٸ ابىرويمەن ورىنداعانىن, سونىمەن قاتار, COVID-19 پاندەميياسىنا بايلانىستى تٶتەنشە جاعداي كەزٸندە ەرەكشە كٶزگە تٷسكەنٸن اتاپ ٶتتٸ.
«تٶتەنشە جاعداي رەجيمٸن قامتاماسىز ەتۋگە قاتىسۋ بارىنشا كٷش-جٸگەردٸ جەنە قولدا بار بارلىق رەسۋرستى جۇمىلدىرۋدى تالاپ ەتكەن ناعىز سىناق كەزەڭٸ بولدى. اتالعان سالانىڭ ەسكەري ماماندارىنا قارۋلى كٷشتەردە ەكولوگييالىق قاۋٸپسٸزدٸكتٸ قامتاماسىز ەتۋ, سونداي-اق تابيعات قورعاۋ زاڭناماسى نورمالارىنىڭ ساقتالۋىن باقىلاۋ بويىنشا مٸندەتتەر دە جٷكتەلگەن.ەرقاشان جاۋاپتى ەرٸ سىن ساعاتتا جوعارى كەسٸبي شەبەرلٸك, باتىلدىق, ەرلٸك پەن جانقييارلىق تانىتا بٸلگەندەرٸڭٸز ٷشٸن العىس بٸلدٸرەمٸز», - دەدٸ نۇرلان ەرمەكباەۆ.
مينيستر ايتقانداي, پاندەميياعا قارسى كٷرەس تەجٸريبەسٸ كٶرسەتكەندەي, قازٸرگٸ ەپيدەميولوگييالىق جاعدايدا رحبق ەسكەرلەرٸنٸڭ الاتىن ورنى ەرەكشە. بٸر عانا مىسال, ەل ٷشٸن قيىن كەزەڭدە ەسكەري قىزمەتشٸلەر حالىققا كٶمەككە كەلٸپ, ينفەكتسيياعا قارسى كٷرەسكە ٷش مىڭنان استام ەسكەري قىزمەتشٸ مەن 100-گە جۋىق ارنايى تەحنيكا جۇمىلدىرىلدى. ەلەۋمەتتٸك ماڭىزدى وبەكتٸلەردٸڭ 60 ملن. شارشى مەتردەن استام اۋدانى, 4 مىڭ شاقىرىمنان استام جول ٶڭدەلدٸ.
سونىمەن قاتار, تٶل مەرەكەسٸن اتاپ ٶتكەن ەسكەريلەردٸڭ كەلەسٸسٸ – كٶك قىراندارى – قازاقستاننىڭ ەسكەري-ەۋە كٷشتەرٸ.
بٷگٸنگٸ تاڭدا ەسكەري-ەۋە كٷشتەرٸ سوڭعى ٷلگٸدەگٸ ۇشۋ اپپاراتتارىمەن, ونىڭ ٸشٸندە كٶپفۋنكتسيونالدى سۋ-30سم جويعىشتارىمەن, مي-35م سوققى بەرەتٸن تٸكۇشاقتارىمەن جاساقتالىپ, جاڭعىرتىلعان L-39 جاۋىنگەرلٸك وقۋ-جاتتىعۋ ۇشاقتارىمەن جەنە سۋ-27 جويعىشتارىمەن تولىققان. ەسكەري ەۋە كٷشتەرٸنٸڭ ەسكەري ۇشقىشتارى حالىقارالىق, تٷرارالىق وقۋ-جاتتىعۋلارعا, ارمييالىق حالىقارالىق ويىندارعا قاتىسۋمەن مول تەجٸريبە جينادى. وسى تەجٸريبە ۇدايى تالدانا وتىرىپ, جەكە قۇرامنىڭ جاۋىنگەرلٸك دايارلىق جٷيەسٸن جەتٸلدٸرۋگە باعىتتالعان جاۋىنگەرلٸك دايارلىق كۋرستارى مەن باعدارلامالارىن تٷزەتۋ, ەدٸستەمەلٸك نۇسقاۋلاردى ەزٸرلەۋ كەزٸندە قولدانىلادى.
كٶك قىراندارىن تٶل مەرەكەسٸمەن قۇتتىقتاعان قر قورعانىس مينيسترٸ نۇرلان ەرمەكباەۆ قازٸرگٸ تاڭدا اۆياتسييا ەۋە قورعانىسى كٷشتەرٸنٸڭ نەگٸزگٸ مانەۆر جاسايتىن ەسكەر تەگٸ بولىپ تابىلاتىنى اتاپ ٶتتٸ.
«ەۋە قورعانىس كٷشتەرٸ ەلٸمٸز ٷشٸن ماڭىزدى شەپتەردٸ, اۋداندار مەن وبەكتٸلەردٸ قارسىلاستىڭ ەۋەدەن جاسايتىن سوققىسىنان سەنٸمدٸ قورعاپ, وبەكتٸلەردٸ جان-جاقتى دەلمە-دەل زاقىمداۋعا قابٸلەتتٸ. وسى ورايدا, وفيتسەر مىرزالار, كەلٸسٸمشارت بويىنشا ەسكەري قىزمەتشٸلەر مەن ساربازدار مەن, ارداگەرلەردٸ كەسٸبي مەرەكەمەن قۇتتىقتايمىن. اشىق اسپان جەنە ەل يگٸلٸگٸ جولىنداعى قىزمەتتە تولاعاي تابىس تٸلەيمٸن!», - دەدٸ مينيستر.
سونىمەن قاتار, شٸلدە ايىندا قازاقستاننىڭ دەسانتتىق-شابۋىلداۋ ەسكەرلەرٸ قۇرىلعان. سەيكەسٸنشە, اتالعان ەسكەري مامانداردىڭ دا كەسٸبي مەرەكەسٸ ەسكەرۋسٸز قالدىرىلعان جوق. ايتا كەتەيٸك, قازٸرگٸ دەسانتتىق-شابۋىلداۋ ەسكەرلەرٸ – بۇل ۇتقىرلىعى جوعارى جەنە سوڭعى ٷلگٸدەگٸ تەحنيكامەن جاراقتالعان, جاۋىنگەرلٸك رەتتە دە, نەگٸزگٸ كٷشتەردەن الىستا دا, ونىڭ ٸشٸندە قارسىلاس تىلىندا دا مٸندەتتەردٸ ورىنداۋعا قابٸلەتتٸ ەسكەر تەگٸ ەكەنٸ بەلگٸلٸ.
ەستەرٸڭٸزگە سالا كەتەيٸك, قر قورعانىس مينيسترٸ نۇرلان ەرمەكباەۆ بٸرنەشە ەسكەري قىزمەت تٷرلەرٸنٸڭ ماماندارىن تٶل مەرەكەلەرٸمەن قۇتتىقتادى. اتاپ ايتقاندا, شٸلدە ايىنىڭ العاشقى كٷندەرٸ رادياتسييالىق, حيمييالىق جەنە بيولوگييالىق قورعاۋ ەسكەرلەرٸ, قازاقستاننىڭ ەسكەري-ەۋە كٷشتەرٸ قۇرىلعان كٷنٸ مەن دەسانتتىق-شابۋىلداۋ ەسكەرلەرٸنٸڭ تٶل مەرەكەلەرٸ اتالىپ ٶتتٸ. ال قر قورعانىس مينيسترٸ نۇرلان ەرمەكباەۆ اتالعان سالانىڭ ماماندارىن كەسٸبي مەرەكەلەرٸمەن قۇتتىقتاعان بولاتىن.
