QR Qorǵanys ministri Nurlan Ermekbaev birneshe áskeri qyzmet túrleriniń mamandaryn tól merekelerimen quttyqtady. Atap aitqanda, shilde aiynyń alǵashqy kúnderi Radiatsiialyq, himiialyq jáne biologiialyq qorǵaý áskerleri, Qazaqstannyń Áskeri-áýe kúshteri qurylǵan kúni men desanttyq-shabýyldaý áskerleriniń tól merekeleri atalyp ótti, - dep habarlaidy «Ult aqparat».
Ár áskeri bólimniń óz mindetteri men erekshelikteri bar ekeni daýsyz. Máselen, Radiatsiialyq, himiialyq jáne biologiialyq qorǵaý áskerleriniń negizgi maqsaty – jappai qyryp-joiatyn qarýdan qorǵay jáne ony qoldaný saldaryn joiý bolyp tabylady. Bul salanyń áskeri qyzmetshileri beibit ýaqytta sonymen qatar soǵys ýaqytynda mindetterdi sheshýge qabiletti ámbebap mamandar ekenin beibit kúnniń shýaǵynda bilip, baiqap otyrmyz.
Ózderińiz biletindei, bul áskeri mamandar milliondaǵan adamnyń ómiri men densaýlyǵyn qorǵaidy. Olar qaýipti ónerkásip kásiporyndarynda bolǵan avariia men apat saldaryn joiý mindetterin oryndaýǵa árqashan daiyn.
Osy oraida Qorǵanys ministri Radiatsiialyq, himiialyq jáne biologiialyq qorǵaý áskerleriniń kúnimen quttyqtap, beibit ýaqytpen qatar soǵys ýaqytynda da qoiylǵan mindetti abyroimen oryndaǵanyn, sonymen qatar, COVID-19 pandemiiasyna bailanysty tótenshe jaǵdai kezinde erekshe kózge túskenin atap ótti.
«Tótenshe jaǵdai rejimin qamtamasyz etýge qatysý barynsha kúsh-jigerdi jáne qolda bar barlyq resýrsty jumyldyrýdy talap etken naǵyz synaq kezeńi boldy. Atalǵan salanyń áskeri mamandaryna Qarýly Kúshterde ekologiialyq qaýipsizdikti qamtamasyz etý, sondai-aq tabiǵat qorǵaý zańnamasy normalarynyń saqtalýyn baqylaý boiynsha mindetter de júktelgen.Árqashan jaýapty ári syn saǵatta joǵary kásibi sheberlik, batyldyq, erlik pen janqiiarlyq tanyta bilgenderińiz úshin alǵys bildiremiz», - dedi Nurlan Ermekbaev.
Ministr aitqandai, Pandemiiaǵa qarsy kúres tájiribesi kórsetkendei, qazirgi epidemiologiialyq jaǵdaida RHBQ áskerleriniń alatyn orny erekshe. Bir ǵana mysal, el úshin qiyn kezeńde áskeri qyzmetshiler halyqqa kómekke kelip, infektsiiaǵa qarsy kúreske úsh myńnan astam áskeri qyzmetshi men 100-ge jýyq arnaiy tehnika jumyldyryldy. Áleýmettik mańyzdy obektilerdiń 60 mln. sharshy metrden astam aýdany, 4 myń shaqyrymnan astam jol óńdeldi.
Sonymen qatar, tól merekesin atap ótken áskerilerdiń kelesisi – Kók qyrandary – Qazaqstannyń Áskeri-áýe kúshteri.
Búgingi tańda Áskeri-áýe kúshteri sońǵy úlgidegi ushý apparattarymen, onyń ishinde kópfýnktsionaldy Sý-30SM joiǵyshtarymen, Mi-35M soqqy beretin tikushaqtarymen jasaqtalyp, jańǵyrtylǵan L-39 jaýyngerlik oqý-jattyǵý ushaqtarymen jáne Sý-27 joiǵyshtarymen tolyqqan. Áskeri áýe kúshteriniń áskeri ushqyshtary halyqaralyq, túraralyq oqý-jattyǵýlarǵa, Armiialyq halyqaralyq oiyndarǵa qatysýmen mol tájiribe jinady. Osy tájiribe udaiy taldana otyryp, jeke quramnyń jaýyngerlik daiarlyq júiesin jetildirýge baǵyttalǵan jaýyngerlik daiarlyq kýrstary men baǵdarlamalaryn túzetý, ádistemelik nusqaýlardy ázirleý kezinde qoldanylady.
Kók qyrandaryn tól merekesimen quttyqtaǵan QR Qorǵanys ministri Nurlan Ermekbaev qazirgi tańda aviatsiia Áýe qorǵanysy kúshteriniń negizgi manevr jasaityn ásker tegi bolyp tabylatyny atap ótti.
«Áýe qorǵanys kúshteri elimiz úshin mańyzdy shepterdi, aýdandar men obektilerdi qarsylastyń áýeden jasaityn soqqysynan senimdi qorǵap, obektilerdi jan-jaqty dálme-dál zaqymdaýǵa qabiletti. Osy oraida, ofitser myrzalar, kelisimshart boiynsha áskeri qyzmetshiler men sarbazdar men, ardagerlerdi kásibi merekemen quttyqtaimyn. Ashyq aspan jáne el igiligi jolyndaǵy qyzmette tolaǵai tabys tileimin!», - dedi ministr.
Sonymen qatar, shilde aiynda Qazaqstannyń Desanttyq-shabýyldaý áskerleri qurylǵan. Sáikesinshe, atalǵan áskeri mamandardyń da kásibi merekesi eskerýsiz qaldyrylǵan joq. Aita keteiik, qazirgi desanttyq-shabýyldaý áskerleri – bul utqyrlyǵy joǵary jáne sońǵy úlgidegi tehnikamen jaraqtalǵan, jaýyngerlik rette de, negizgi kúshterden alysta da, onyń ishinde qarsylas tylynda da mindetterdi oryndaýǵa qabiletti ásker tegi ekeni belgili.
Esterińizge sala keteiik, QR Qorǵanys ministri Nurlan Ermekbaev birneshe áskeri qyzmet túrleriniń mamandaryn tól merekelerimen quttyqtady. Atap aitqanda, shilde aiynyń alǵashqy kúnderi Radiatsiialyq, himiialyq jáne biologiialyq qorǵaý áskerleri, Qazaqstannyń Áskeri-áýe kúshteri qurylǵan kúni men desanttyq-shabýyldaý áskerleriniń tól merekeleri atalyp ótti. Al QR Qorǵanys ministri Nurlan Ermekbaev atalǵan salanyń mamandaryn kásibi merekelerimen quttyqtaǵan bolatyn.
