وڭتٷستٸك كورەيادا 34 جىلدان كەيٸن العاش رەت دەنٸ ساۋ بەس بالا دٷنيەگە كەلدٸ, دەپ حابارلايدى قازاقپارات YONHAP اگەنتتٸگٸنە سٸلتەمە جاساپ.
30 جاستاعى ەيەل بٸر جٷكتٸلٸك ۋاقىتىندا سەۋل ۇلتتىق ۋنيۆەرسيتەتٸنٸڭ اۋرۋحاناسىندا بوسانعان. بەيسەنبٸنٸڭ كەشٸندە دٷنيەگە تٶرت ۇل بالا مەن بٸر قىز كەلدٸ.
اۋرۋحانا مەلٸمەتٸنشە, ەيەل كەسار تٸلٸگٸ كٶمەگٸمەن بوساندى. بوسانۋ پروتسەسٸنە پروفەسسور دجۋن چەن كۆاننىڭ باسشىلىعىمەن 30-دان استام مەديتسينالىق قىزمەتكەر قاتىستى.
ەلدە سوڭعى رەت بٸردەن بەس بالانىڭ دٷنيەگە كەلۋ فاكتٸسٸ سوناۋ 1987 جىلى تٸركەلگەن. كٶپۇرىقتى باسقا بالالار سيياقتى, بۇل بەس نەرەستەنٸڭ سالماعى جەڭٸل بولعانىمەن, دەنساۋلىعى جاقسى.
شاقالاقتاردىڭ اتا-اناسىنىڭ ەكەۋٸ دە 30 جاستا, ولار 17-شٸ ارمييالىق ديۆيزييانىڭ كاپيتاندارى. 2018 جىلى وتاۋ قۇرعان. اناسى جاساندى ۇرىقتاندىرۋ جولىمەن جٷكتٸ بولعان.
«مەنٸڭ جۇبايىم شىنىمەن دە باقىتتى, سەبەبٸ ول ەگٸز بولعانىن قالاعان ەدٸ», - دەيدٸ باقىتتى انا.
