دەنساۋلىق ساقتاۋ ۆيتسە-مينيسترٸ لەززات اقتاەۆا قوردايداعى قاقتىعىس سالدارىنان 165 ادامنىڭ زارداپ شەككەنٸن مەلٸم ەتتٸ, دەپ حابارلايدى قازاقپارات.
«9 اقپان ساعات 11.00-دەگٸ مەلٸمەت بويىنشا تٶبەلەس سالدارىنان 165 ادام زارداپ شەكتٸ. ولاردىڭ بەرٸ مەديتسينالىق كٶمەك الۋعا كەلگەن. تۇرعىلىقتى جەرٸ بويىنشا مەديتسينالىق ۇيىمدارعا - 140 ادام, قىرعىزستانداعى مەديتسينالىق ۇيىمعا - 25 ادام جٷگٸنگەن. اۋرۋحاناعا جٷگٸنگەندەردٸڭ ٸشٸندە 115 ادامعا امبۋلاتورييالىق ەم جاسالدى. ياعني, امبۋلاتورييالىق كٶمەك دەگەنٸمٸز - تەۋلٸك بويى باقىلاۋدى قاجەت ەتپەيتٸن ەم تٷرٸ», - دەدٸ لەززات اقتاەۆ وكق-دا ٶتكەن باسپاسٶز مەسليحاتىندا.
ونىڭ ايتۋىنا قاراعاندا, جالپى 50 ادام, ونىڭ ٸشٸندە 40 ادام - قازاقستاننىڭ, 10 ادام - قىرعىزستاننىڭ اۋرۋحانالارىنا جاتقىزىلعان.
«قازاقستانداعى اۋرۋحاناعا جاتقىزىلعانداردىڭ ٸشٸندە تۇراقتى اۋىر جاعدايدا 30 ادام, ال اسا اۋىر جاعدايدا 8 ادام بار. قايتىس بولعانداردىڭ سانى – 10. وقيعا ورنىندا 8, ال تاعى 2 ادام مەديتسينالىق مەكەمەدە قايتىس بولدى. قازٸرگٸ تاڭدا ەلٸ 8 ادام جانساقتاۋ بٶلٸمٸندە جاتىر.
وقيعا كەزٸندە 14 جەدەل جەردەم كٶلٸگٸ جۇمىلدىرىلعان. ونىڭ ەڭ العاشقىسى توعىز مينۋتتىڭ ٸشٸندە جەتكەن. سونىمەن قاتار ساناۆياتسييا بريگاداسى دا تارتىلدى. ەكٸ تٸكۇشاقتىڭ كٶمەگٸمەن زارداپ شەككەن اۋىر جاعدايداعى ەكٸ ادام الماتىعا جەتكٸزٸلدٸ. ولار الماتى قالاسىنداعى №7 كلينيكالىق اۋرۋحاناعا جاتقىزىلدى. تٶرت ادام كٶلٸكتەرمەن جەتكٸزٸلٸپ, ەكەۋٸ - قالالىق تٶرتٸنشٸ اۋرۋحاناعا, بٸرەۋٸ – جەدەل مەديتسينالىق كٶمەك اۋرۋحاناسىنا, قالعان بٸرەۋٸ – الماتىداعى كٶپقىزمەتتٸ №6 كلينيكالىق اۋرۋحاناعا جاتقىزىلدى», - دەدٸ لەززات اقتاەۆا.
ۆيتسە-مينيستر زارداپ شەككەندەردٸ ەمدەۋگە بٸلٸكتٸ دەرٸگەرلەردٸڭ تارتىلعانىن ايتىپ ٶتتٸ.
