قورداي اۋدانىنىڭ پوليتسييا قىزمەتكەرلەرٸنە قاتىستى زورلىق-زومبىلىقتى تەرگەۋ اياقتالدى, دەپ حابارلادى باس پروكۋراتۋرانىڭ باسپاسٶز قىزمەتٸ.
باسپاسٶز قىزمەتٸنٸڭ مەلٸمەتتەرٸنە قاراعاندا, 2020 جىلدىڭ 7 اقپانىندا جامبىل وبلىسى قورداي اۋدانى سارتٶبە اۋلىندا جول پوليتسيياسى قىزمەتكەرلەرٸنٸڭ پاترۋلدەۋ كەزٸندە ل.ۆوينگۋيدٸڭ باسقارۋىنداعى «حوندا وديسسەي» اۆتوكٶلٸگٸ توقتاتىلعان.
كٶلٸكتٸڭ تيٸستٸ قۇجاتتارى بولماعاندىقتان, ل.ۆوينگۋيعا پوليتسييا بٶلٸمٸنە بارۋ ۇسىنىلعان.
الايدا, ول وفيتسەرلەردٸڭ تالاپتارىن ورىنداماي, ٷيٸنە قاراي بەت العان جەنە كەيٸننەن اعالارى ا. ۆوينگۋي جەنە م. ۆوينگۋيمەن بٸرلەسٸپ پوليتسييا قىزمەتكەرلەرٸنە قارسى زورلىق-زومبىلىق جاساعان.
وسى وقيعانىڭ ۆيدەوسى بۇقارالىق اقپارات قۇرالدارى مەن ەلەۋمەتتٸك جەلٸلەردە تاراتىلدى.
«اتالعان فاكتٸ بويىنشا باس پروكۋراتۋرانىڭ ارنايى پروكۋرورىمەن قىلمىستىق كودەكستٸڭ 380-بابىنىڭ 1-بٶلٸگٸ (بيلٸك ٶكٸلٸنە قاتىستى كٷش قولدانۋ) بويىنشا سوتقا دەيٸنگٸ تەرگەۋ جٷرگٸزٸلدٸ. ٷش ايىپتالۋشى ٶز كٸنەلارىن تولىق مويىنداپ, تەرگەۋ سوتىمەن قاماۋعا الىندى. اعىمداعى جىلدىڭ 14 اقپانى كٷنٸ قىلمىستىق ٸس ايىپتاۋ اكتٸسٸمەن قورداي اۋداندىق سوتىنا جولداندى», - دەلٸنگەن باس پروكۋراتۋرانىڭ حابارلاماسىندا.
