بۇل مەسەلەنٸ اۋدان ەكٸمٸ جەكە باقىلاۋىنا الىپ, ونى شەشۋ بويىنشا قالا ەكٸمٸ مەن تيٸستٸ بٶلٸم باسشىلارىنا ارنايى تاپسىرمالار بەردٸ.
سارىاعاش قالاسىندا 2016-2017 جىلدارى 36 پەتەرلٸ كٶپ قاباتتى تۇرعىن ٷيدٸڭ قۇرىلىسى جٷرگٸزٸلٸپ, تۇرعىن ٷي كوميسسيياسىنىڭ قورىتىندىسىنا سەيكەس, اۋدان ەكٸمدٸگٸنٸڭ 25.05.2017 جىلعى №187 قاۋلىسىمەن تۇرعىن ٷي كەزەگٸندە تۇرعان 36 ازاماتقا بەرٸلگەن.
بٷگٸنگٸ كٷندە «قول جەتٸمدٸ باسپانا - 2020» باعدارلاماسى بويىنشا 2018 جىل باسىندا جوسپارلانعان سارىاعاش قالاسى, قاپلانبەك وقۋ-تەجٸريبە شارۋاشىلىعى اۋماعىنان 45 پەتەرلٸ 13 كٶپ قاباتتى تۇرعىن ٷيدٸڭ قۇرىلىسى جٷرگٸزٸلٸپ اياقتالعاننان كەيٸن, اتالعان كٶپ پەتەرلٸ تۇرعىن ٷيدٸڭ جىلۋ جٷيەسٸ ورتالىقتاندىرىلعان جىلۋ قازاندىعىنا قوسۋ جوسپارلانعان. الايدا, جىلۋ قازاندىعىن قوسۋ تۇرعىندار ٷشٸن تيٸمسٸز, سەبەبٸ, ٷي يەلەرٸ تەك قانا جىلۋ ٷشٸن 1 بٶلمەلٸ پەتەرگە - 44000 تەڭگە, 2 بٶلمەلٸ پەتەرگە - 64478 تەڭگە, 3 بٶلمەلٸ پەتەرگە 84478 تەڭگەدەن تٶلەۋٸ تيٸس بولادى. بۇل قاراجاتتى ەلەۋمەتتٸك وسال توپتاعى ازاماتتار تٶلەۋ مٷمكٸندٸگٸ جوق. وسىعان بايلانىستى, قازٸرگٸ تاڭدا ەلەۋمەتتٸك وسال توپتاعى ازاماتتارعا كوممۋنالدىق تٶلەمدٸ سۋبسيدييا جاساۋدىڭ زاڭدىلىعى قارالۋدا.
سارىاعاش قالاسىندا ورتالىق كەرٸز جٷيەسٸ بولماعاندىقتان, ۋاقىتشا پەتەر يەلەرٸنٸڭ كەلٸسٸمٸمەن سەپتيك قازىلىپ, پايدالانۋعا بەرٸلگەن. كٶپقاباتتى تۇرعىن ٷيلەردٸڭ كەرٸز جٷيەسٸن ورتالىق كەرٸز جٷيەسٸنە قوسۋ قاراستىرىلعاندىعى جٶنٸندە تۇرعىندارعا ەسكەرتٸلگەن. قازٸرگٸ تاڭدا پەتەر يەلەرٸنەن پەتەر اقىلارىنا قوسىمشا اقى الىنىپ اسسەنيزاتور ماشيناسى ارقىلى سەپتيك تازالانۋدا.
قازٸرگٸ تاڭدا قر ۇقك شق «2020 ەسكەري بٶلٸمٸ» مەكەمەسٸنٸڭ كەرٸز جٷيەسٸنە ۋاقىتشا قوسۋ ٷشٸن سارىاعاش قالاسى ەكٸمدٸگٸمەن تيٸستٸ جۇمىستار جٷرگٸزٸلۋدە.
اتالعان كٶپپەتەرلٸ تۇرعىن ٷي اۋىز سۋ جٷيەسٸمەن قامتاماسىز ەتٸلگەن, اۋىز سۋ بەرۋ قىزمەتٸن «قازسۋشار» رمك «وڭتٷستٸكاۋىزسۋ» فيليالى «سارىاعاش توپتىق سۋ جٷيەسٸ» ٶندٸرٸستٸك بٶلٸمشەسٸ اتقارادى.
بۇل مەسەلەنٸڭ شەشٸلۋٸ بويىنشا قاتاڭ باقىلاۋعا الىنىپ, قوسىمشا اقپارات بەرٸلەتٸن بولادى.
سارىاعاش اۋدانى ەكٸمدٸگٸنٸڭ باسپاسٶز قىزمەتٸ
