5 اقپاندا نۇر-سۇلتان قالاسىنداعى دەمحانالاردىڭ بٸرٸندە كٶپ بالالى انالار بىلتىر ٶرتتەن قازا بولعان بەس سەبيگە ارناپ, اس بەردٸ. وعان جٷزگە جۋىق ادام جينالدى. اراسىندا ەكٸمدٸك ٶكٸلدەرٸ دە بولدى.
انالاردىڭ ايتۋىنشا, يمام شاقىرىپ, قۇران وقىتۋعا قاجەتتٸ شىعىندى ٶزدەرٸ كٶتەرگەن. ەركٸم جاعدايىنا قاراي 500,1000, 2000 مىڭ تەڭگەدەن قوسىلعان.
- بىلتىر ٷلكەن قايعى بولدى. ونى ۇمىتۋعا حاقىمىز جوق دەپ ويلايمىن. سوندىقتان شىداي الماي, انالار بولىپ جينالىپ, شىن ىقىلاسپەن قۇران باعىشتايىق دەپ نيەت ەتتٸك. ايتۋعا دا ۇيات شىعار, بٸراق بۇل وقيعادان كەيٸن حالىق ويانىپ, قۇقىقتارىن تالاپ ەتە باستادى, جەردەماقىعا, اتاۋلى ەلەۋمەتتٸك كٶمەككە قول جەتكٸزدٸ. بۇل وقيعانى ەشقاشان ۇمىتپاۋىمىز كەرەك, - دەدٸ ەسكە الۋ شاراسىن ۇيىمداستىرۋشىلاردىڭ بٸرٸ ايجامال سارەەۆا.
ٶتكەن جىلى 4 اقپانعا قاراعان تٷنٸ استانا ماڭىنداعى كٶكتال-1 ىقشاماۋدانىندا كٶمٸرمەن جىلىناتىن جەر ٷيدەن ٶرت شىعىپ, بٸر وتباسىنىڭ بەس قىزى قازا بولعان. قايعىلى وقيعا قازاقستاندىقتاردىڭ مەملەكەتتٸك ەلەۋمەتتٸك ساياساتقا قاتىستى اشۋ-ىزاسىن تۋعىزدى.
نۇر-سۇلتان مەن ٶڭٸرلەردەگٸ كٶپبالالى انالار ەلەۋمەتتٸك قولداۋدىڭ جەتكٸلٸكسٸزدٸگٸن ايتىپ, نارازىلىققا شىقتى. كەيٸنٸرەك ٷكٸمەت كٶپ بالالى وتباسىلارعا بەرٸلەتٸن ەلەۋمەتتٸك كٶمەك تٷرلەرٸن كٶبەيتكەن.
ەل استاناسىندا بولعان قايعىلى وقيعادان كەيٸن تۋرا بٸر جىلدان سوڭ, ۇقساس جاعداي الماتى تٷبٸندەگٸ اۋىلدا قايتالاندى. اقپاننىڭ 3-ٸ كٷنٸ ٶستەمٸر اۋىلىندا بولعان ٶرتتەن ٷش جەنە تٶرت جاستاعى ەكٸ بالا قازا تاپتى. اتا-اناسى بۇل كەزدە ٷيدە بولماعان: ەكەسٸ قالاعا جۇمىس ٸزدەۋگە, ال اناسى ۇلى مەن قىزىن سىرتىنان جاۋىپ, دٷكەنگە كەتكەن.
