پرەزيدەنت قازاقستاندا قوعامنىڭ بارلىق سالاسى باتىل ٶزگەرٸستەر جولىنا تٷسكەنٸن اتاپ ٶتتٸ. وسىعان بايلانىستى كونستيتۋتسيياعا ەلدٸڭ ساياسي جٷيەسٸن تٷبەگەيلٸ ٶزگەرتەتٸن تولىقتىرۋلار ەنگٸزۋ تۋرالى باستاما كٶتەرٸلدٸ, دەپ حابارلايدى "ۇلت اقپارات".
"مەن كونستيتۋتسيياعا ەلدٸڭ ساياسي جٷيەسٸن تٷبەگەيلٸ باسقا ارناعا بۇراتىن ٶزگەرٸستەر ەنگٸزۋگە باستاما كٶتەردٸم. بٸز جاڭا مەملەكەتتٸك مودەلگە, مەملەكەت پەن قوعامنىڭ ٶزارا ٸس-قيمىلىنىڭ جاڭا فورماتىنا كٶشەمٸز. بۇل ساپالى تٷردە ٶزگەرۋدٸ ەكٸنشٸ رەسپۋبليكا دەپ اتاۋعا بولادى. جۇمىس توبى اتا زاڭنىڭ 33 بابىنا تٷزەتۋلەر ەزٸرلەدٸ. بۇل – تۇتاس كونستيتۋتسييانىڭ ٷشتەن بٸر بٶلٸگٸ. وسى ٶزگەرٸستەردٸ ەنگٸزۋ تۋرالى زاڭ جوباسى كونستيتۋتسييالىق كەڭەستٸڭ قاراۋىنا جٸبەرٸلدٸ, جاقىن ارادا شەشٸمٸن شىعارادى.
ەزٸرلەنگەن تٷزەتۋلەردٸڭ تاريحي ماڭىزى بار. بٸز مەملەكەتتٸگٸمٸزدٸڭ دامۋ جولىنداعى جاڭا كەزەڭگە قادام باسقالى تۇرمىز. وسى رەفورمالار قولعا الىنعان كەزدە كونستيتۋتسيياعا ەنگٸزٸلەتٸن ٶزگەرٸستەر مەن تولىقتىرۋلاردىڭ جوباسىن پارلامەنت قارايدى دەپ ويلاعان ەدٸك. بۇل – قولدانىستاعى زاڭنامادا ورنىققان رەسٸمنٸڭ بٸرٸ. الايدا, الداعى اۋقىمدى ەرٸ ماڭىزدى ٶزگەرٸستەر ەل بولاشاعىنا ايرىقشا ەسەر ەتەدٸ. سوندىقتان مەن اتا زاڭعا ٶزگەرٸستەر مەن تولىقتىرۋلار ەنگٸزۋ جٶنٸندە رەسپۋبليكالىق رەفەرەندۋم ٶتكٸزۋدٸ ۇسىنامىن. رەفەرەندۋم – اسا ماڭىزدى دەموكراتييالىق ينستيتۋت. الايدا قازاقستاندا ول سوڭعى رەت 1995 جىلى قازٸرگٸ قولدانىستاعى كونستيتۋتسييا بەكٸتٸلگەن كەزدە ٶتكٸزٸلدٸ. ودان كەيٸن «رەسپۋبليكالىق رەفەرەندۋم تۋرالى» كونستيتۋتسييالىق زاڭ قابىلداندى. بٸراق سودان بەرٸ كونستيتۋتسيياعا تٶرت رەت ٶزگەرتۋلەر ەنگٸزٸلگەنٸنە قاراماستان, ول ٸس جٷزٸندە قولدانىلعان جوق. كونستيتۋتسييانى جالپىحالىقتىق داۋىس بەرۋ ارقىلى ٶزگەرتۋ حالىق قالاۋىنىڭ ايقىن كٶرٸنٸسٸ بولادى دەپ ەسەپتەيمٸن. رەفەرەندۋم ەربٸر ازاماتقا ەل تاعدىرىن شەشۋگە تٸكەلەي قاتىسۋعا مٷمكٸندٸك بەرەدٸ جەنە جان-جاقتى دەموكراتييالاندىرۋ مەن جاڭا قازاقستاندى قۇرۋ جولىنداعى باعىتىمىزدى نىعايتادى", - دەدٸ مەملەكەت باسشىسى قازاقستان حالقى اسسامبلەياسىنىڭ XXXI سەسسيياسىندا.
