«رىجيي الماز» قازاق سوۆەتتٸك سوتسياليستٸك رەسپۋبليكاسىن ۇزاق جىلدار باسقارعان, ٸرٸ مەملەكەت قايراتكەرٸ دٸنمۇحاممەد قوناەۆپەن اتامىزدىڭ ٶمٸرٸنٸڭ سوڭعى جىلدارىندا كەزدەسكەن. بۇل تۋرالى نەسٸپباي نەسەنوۆتٸڭ دوسىنىڭ (اۆتورىن بەلگٸلٸ بٸر سەبەپتەرمەن ايتا المايمىز) ەستەلٸگٸندە تەپتٸشتەپ جازىلعان.
«– ديماش احمەتۇلى, مٸنە سٸزگە جۇرت ايتىپ جٷرەتٸن «رىجيي المازدى» ەكەلدٸم, تانىسىپ قويىڭىز, – دەپ يۋ. كوشكين جاڭا تانىسىن تانىستىردى.
– امانسىڭ با, ۇلىم? – دەپ ديماش احمەتۇلى قولىن سوزدى. – ەستۋٸمشە, سەن سەمەيدەن ەكەنسٸڭ, سولاي ما? ال نەگە سەنٸ «رىجيي الماز» دەپ ايتادى? سەنٸڭ اتىڭ نەسٸپباي ەمەس پە?
– سەلەمەتسٸز بە, اعا, – دەدٸ الماز, – يە, مەن شىعىستانمىن, تەگٸم نەسەنوۆ, اتىم نەسٸپباي. جٸگٸتتەرٸمدٸ نۇرقادٸلوۆتىڭ جيەنٸنٸڭ جٸگٸتتەرٸمەن شاتاستىرىپ الماس ٷشٸن مەنٸ «رىجيي الماز», ونى «چەرنىي الماز» دەپ اتايدى.
ديماش احمەتۇلى المازعا ٷڭٸلٸپ بٸر قاراپ الدى دا, تانىسۋعا قولىن ۇسىندى.
– يە, قازٸر جاستار بٷگٸندە قوعامدا كەرەكسٸز بولىپ قالدى, ەگەردە ولاردى قاداعالاپ وتىرماساڭ, ٶز جولىنداعىنىڭ بارلىعىن جايپاپ ٶتەر ٷلكەن تاسقىن, سەل سيياقتى الىپ كٷش ەمەس پە? اناۋ 86-نىڭ جەلتوقسانىندا بٷكٸل سوۆەت وداعىنىڭ الىپ كٷشٸ بولماسا نەمەن اياقتالار ەدٸ. مەندەي قارت ادامدى ۇمىتپاي كەلگەنٸڭە راحمەت, كەلٸپ, اقىل-كەڭەس الىپ تۇر. يۋرا (يۋريي كوشكين – رەد.), مەن دە ساعان ايتتىم ەمەس پە, سەنٸڭ الىپ كەلگەن ادامدارىڭنىڭ بارلىعىنا سەنەمٸن دەپ. شىنىمدى ايتسام, قازٸرگٸ جاستارمەن ەڭگٸمەلەسكەنٸمە قۋانامىن. سەن مىناعان جاۋاپ بەرشٸ, قازٸر جاستارمەن جۇمىس ٸستەيتٸن ەشقانداي ۇيىم قالماعان با? كومسومولدار قايدا? قازاقستان جاستارىنىڭ وداعى قايدا? – دەپ ول المازعا قارادى.
– جاستار وداعى بار, اعا, بٸراق وندا جاستاردىڭ بولاشاعىنا نەمقۇرايلى قارايتىن ادامدار وتىر. ولار ٶزدەرٸ بٸرنەشە دەلدالدىق فيرما اشىپ العان. ٶز قارا باستارىنىڭ قامدارىن عانا ويلايدى. ال جاستار, ەسٸرەسە كٸشكەنتاي قالاشىق, اۋىلداردا تۇراتىن جاستاردىڭ بولاشاعىنا باس قاتىرمايدى دا. مٸنە, مەن سولارعا كٶمەكتەسۋگە تىرىسام, تىم قۇرىعاندا سپورتشىلارعا, قازٸر سپورتتىڭ ٶزٸمەن دە ەشكٸمنٸڭ جۇمىسى جوق, بەرٸنە اقشا ارالاسىپ كەتتٸ عوي.
– يە, ۇلىم, سەن دۇرىس ايتاسىڭ, قازٸر تەك سپورتقا عانا ەمەس, جاستاردىڭ رۋحاني دامۋىنا, تەربيەسٸنە دە دۇرىس كٶڭٸل بٶلٸنبەيدٸ. ەگەر شىن جاناشىرلىق تانىتىپ جٷرسەڭ, راحمەت ساعان, سوۆەت وداعى قيراعاننان كەيٸن ەلٸمٸزدە قالىپتاسقان قيىن جاعدايدا تىم قۇرىسا بٸر بوس قالعان كەڭٸستٸكتٸ تولتىرىپ جاتقانىڭا. يۋرا, ساعان دا راحمەت, ماعان قازاقستان جاستارىنىڭ كٶشباسشىسىن ەكەلٸپ تانىستىرعانىڭا!»
