كەشە م.ەۋەزوۆ اتىنداعى مەملەكەتتٸك اكادەمييالىق دراما تەاترىندا دراماتۋرگ م.وماروۆانىڭ “كٶمبە ناننىڭ دەمٸ” دراماسىنىڭ پرەمەراسى ٶتتٸ. سپەكتاكلدە سوعىس جىلدارىنداعى قازاق جەرٸندەگٸ تٷرلٸ ۇلت ٶكٸلدەرٸنٸڭ بٸر-بٸرٸنە دەگەن باۋىرماشىلدىعى, اشقۇرساق قازاق حالقىنىڭ جەر اۋدارىلىپ كەلگەندەرگە جارتى ناندى بٶلٸپ بەرگەن مەيرٸمدٸلٸگٸ سۋرەتتەلەدٸ. وقيعاعا ارقاۋ بولعان ٶزەكتٸ مەسەلەلەر ديۋانا شالدىڭ اششى ايقايىمەن باستالىپ, ۇلدارىنان قارا قاعاز كەلگەن انالاردىڭ مۇڭ-زارىمەن ەرٸ قاراي جالعاسادى. قويىلىمدا حالىققا تٶنگەن نەۋبەت, جاستار اراسىنداعى ماحاببات, ادامنىڭ جامانى بولسا دا, ۇلتتىڭ جامانى بولمايدى قاعيداسىن ۇستانعان نەمٸس شال, ەسكەريلەر, اۋىل ادامدارىنىڭ وبرازدارى سەتتٸ بايلانىسىپ, كٶرەرمەندەردٸ ەلٸكتٸرٸپ ەكەتەدٸ.
“تەاتر كٶكتەمٸ-2017” فەستيۆالٸ اياسىندا كٶرسەتٸلگەن پرەمەراعا شەتەلدەن ارنايى شاقىرىلعان تەاتر سىنشىلارى قاتىسىپ, شىعارماشىلىق قۇرام جۇمىسىنا جوعارى باعا بەردٸ. قييامەت-قيىنشىلىعى قازاقتىڭ موينىنا شىلبىر بولىپ ٸلٸنگەن, سۇمدىعىمەن تاريحتا قالعان كەڭەس ٶكٸمەتٸنٸڭ ساياساتىنا قايشى بولىپ كٶرٸنگەن ۇلتتاردى تۋعان جەرٸنەن ايىرىپ, جەر اۋدارتۋ, ٶزدەرٸ اش-جالاڭاش قالسا دا, پانا ٸزدەگەن جۇرتتى سىرتقا تەپپەگەن قازاق حالقىنىڭ بويىنا عانا تەن ۇلى قاسيەتتەردٸ ۇلىقتايتىن قازاق ساحناسىنداعى قويىلىمدار جيٸ قايتالانۋى كەرەك ەكەنٸن باسا ايتتى.استانا جاستار تەاترىنىڭ ديرەكتورى ن.جاقىپباي "كٶمبە ناننىڭ دەمٸ" سپەكتاكلٸنٸڭ پرەمەراسىمەن تەاتر ۇجىمىن قۇتتىقتاپ, بۇل قويىلىم ارقىلى جاڭا كومپوزيتوردى تانىعانىن, كٶرٸپ قۋانعانىن جەتكٸزٸپ, ە. وماروۆانىڭ ەڭبەگٸن جوعارى باعالادى. و. قىيقىموۆ, د. تەمٸرسۇلتانوۆا, ب. قاپتاعاي, ش. اسقاروۆا, ق. بەيسەعاليەۆ, م. مۇحتارۇلى, ب. قوجا, گ. جاقىپوۆا, د. انارباي, د. ٷسەنوۆا, د. جٷسٸپ, ب. مانجٸگٸتوۆ, ا. ساتىبالديەۆا, ا. بەكجانوۆ سىندى تەاتر ارتيستەرٸنٸڭ اكتەرلٸك انسامبلٸنە كٶرەرمەن ىقىلاسى جوعارى بولدى. يليا اتىنداعى مەملەكەتتٸك عىلىمي زەرتتەۋ ۋنيۆەرسيتەتٸنٸڭ باسشىسى, ٶنەرتانۋ دوكتورى, لاشا چحارتيشۆيلي د. جٷسٸپتٸڭ اكتەرلٸك شەبەرلٸگٸن كەسٸبي تٷردە جوعارى باعالاپ, ٶز ىقىلاسىن جەتكٸزدٸ. قازاقستاننىڭ ەڭبەك سٸڭٸرگەن قايراتكەرٸ ا.كەكٸشوۆانىڭ رەجيسسەرلٸگٸمەن ساحنالانعان قويىلىم كەلگەن قوناقتار مەن كٶرەرمەندەردٸڭ ىستىق ىقىلاسىنا بٶلەندٸ.
سپەكتاكلدٸڭ العاشقى پرەمەراسى 17 ناۋرىز كٷنٸ ٶتتٸ. كەلەسٸ پرەمەرا 19, 25 ناۋرىز كٷندەرٸ ەكەنٸن حابارلايمىز.
م.ەۋەزوۆ تەاترىنىڭ باسپاسٶز قىزمەتٸ
